తమిళనాడులో దారుణం చోటు చేసుకుంది. కోడికూర పెట్టి కోట్లు కాజేసింది ఓ మహిళ. రియల్ ఎస్టేట్‌ స్నేహితురాలికి కోడి కూర పెట్టి రెండున్నర కోట్ల నగదు.. వంద సవరాల బంగారం కోట్టేసింది ఓ కిలాడీ లేడి. కోయంబత్తూరులోని రామనాథపురం కృష్ణ కాలనిలో ఈ ఘటన చోటు చేసుకుంది. స్దానిక రియల్ ఎస్టేటు వ్యాపారి రాజేశ్వరితో పరిచయం పెంచుకుంది వర్షిణి అనే యువతీ.
రియల్ ఎస్టేటు సంబంధ వేలాది ఎకరాలు కొనడానికి కస్టమర్స్‌ ఉన్నారంటూ తన స్నేహితులైన
అరుణ్‌కుమార్‌, సురేంద్రన్‌, ప్రవీణ్‌లను తీసుకొచ్చింది వర్షిణి. ఈ తరుణంలోనే ఇంటిలో భోజనం చేస్తూ మాట్లాడుతూండా స్పృహ తప్పి పడిపోయింది రాజేశ్వరి. ఆ వెంటనే ఇంట్లోనే రెండున్నర కోట్ల నగదు… వంద సరవాల బంగారం ఆభరణాలతో పరారీ అయింది వర్షిణి. రాజేశ్వరి ఫిర్యాదుతో వర్షిణీ స్నేహితులను అరెస్టు చేశారు పోలీసులు. ప్రస్తుతం పరారీలో ఉన్న కీ లాడి లేడి వర్షిణి కోసం గాలిస్తున్నారు కోయంబత్తూరు పోలీసులు.
