సాధారణంగా ఢిల్లీలో పొల్యూషన్ గురించి ప్రత్యేకంగా చెప్పాల్సిన అవసరమే లేదు. ముఖ్యంగా డిసెంబర్, జనవరి మాసాల్లో అయితే పొల్యూషన్ విపరీతంగా ఉంటుంది. చాలా సందర్భాల్లో మనం ఢిల్లీ పొల్యూషన్ గురించి వింటుంటాం. ఈ పొల్యుషన్ ని నివారించేందుకు తాజాగా ఢిల్లీ ప్రభుత్వం ప్రణాళికలను సిద్ధం చేస్తోంది. దీంతో పొల్యూషన్ లేకుంటే ఢిల్లీ రూపురేఖలు మారుతాయని భావిస్తోంది సర్కార్.
ఢిల్లీలో పొల్యూషన్ ను నివారించేందుకు యాక్షన్ ప్లాన్ ను ప్రకటించింది అతిషి ప్రభుత్వం. దాదాపు 21-పాయింట్లతో శీతాకాల కార్యాచరణ ప్రణాళికను సిద్ధం చేసింది ఢిల్లి సర్కార్. వాతావరణం ప్రతికూలంగా మారినప్పుడు కాలుష్యం తగ్గించడానికి శీతాకాల కార్యాచరణను రూపొందించింది. ముఖ్యంగా అక్టోబర్ 7 నుంచి నవంబర్ 7 వరకు ఢిల్లీలో దుమ్ముకు వ్యతిరేఖంగా ప్రచారం చేయనున్నారు. కాలుష్య నివారణ కోసం రంగంలోకి 523 బృందాలు పని చేయనున్నట్టు సమాచారం. అతిషి నేతృత్వంలో కీలక నిర్ణయం తీసుకోవడం చాలా సంతోషకరమనే చెప్పాలి.
