పూర్వకాలంలో రాజులు తమ గురించి ప్రజుల ఏం అనుకుంటున్నారో తెలుసుకోవడానికో లేదో.. ప్రజల కష్టాలు తెలుసుకునేందుకో మారువేషంలో ప్రజల మధ్యలోకి వెళ్లారు. అలా మారువేషంలో సామాన్య పౌరులుగా ప్రజలతో మమేకమై వారు తెలుసుకోవాలనుకున్న విషయాలు తెలుసుకనేవారు. లేదా సరదాగా కామన్ మ్యాన్లా గడపడానికి అలా మారువేషంలో వెళ్లేవారు. తాజాగా ఓ రాష్ట్ర ముఖ్యమంత్రి కూడా అలా అకస్మాత్తుగా కామన్ మ్యాన్ అవతారం ఎత్తారు. ఇంతకీ ఆ సీఎం ఎవరంటే..?
హరియాణా సీఎం మనోహర్ లాల్ ఖట్టర్ మారువేషంలో సాధారణ పౌరుడిలా గడిపారు. ఎవరూ గుర్తు పట్టకుండా.. సెక్యూరిటీ గాడ్స్ తోడు లేకుండా ముఖానికి మాస్క్, తలకు టోపీ పెట్టుకుని ప్రజల మధ్యకు కామన్ మ్యాన్లా వెళ్లారు. పంచ్కులాలోని సెక్టార్-5లోని ఓ గ్రౌండ్లో జరుగుతున్న మేళాకు మంగళవారం సాయంత్రం సీఎం ఖట్టర్ మారువేషంలో వెళ్లారు. ఓ స్టాల్లో పాప్కార్న్ కొనుగోలు చేసి తింటూ ఆ మేళాలో తిరిగారు. ప్రస్తుతం ఈ వీడియో నెట్టింట వైరల్ అవుతోంది. ఈ వీడియో చూసిన నెటిజన్లు షాక్ అవుతున్నారు.
A video of Haryana Chief Minister Manohar Lal Khattar surfaced on social media in which he is seen roaming in a fair while covering his face and not revealing his identity. #Haryana #CM pic.twitter.com/ri8UbCj3Iq
— Gagandeep Singh (@Gagan4344) November 8, 2023
