World Cup 2023 : వరల్డ్ కప్ లో భారత్ బోనీ కొట్టింది. కోహ్లీ, రాహుల్ చెలరేగడంతో…ఓడిపోయే మ్యాచ్‌లో గెలిచింది భారత్. నిన్న జరిగిన కీలక మ్యాచ్ లో ఆస్ట్రేలియాపై ఆరు వికెట్ల తేడాతో ఘనవిజయం సాధించింది టీమిండియా.
200 రన్స్ టార్గెట్ తో బరిలోకి దిగిన ఇండియాను ఆసీస్ మొదట్లోనే మూడు వికెట్లు తీసి దెబ్బకొట్టింది. తర్వాత క్రీజులోకి వచ్చిన కోహ్లీ(85), రాహుల్(97*) భారత్ ను విజయతీరాలకు చేర్చారు. చివర్లో కోహ్లీ అవుట్ కాగా…. పాండ్యా(11*)తో కలిసి రాహుల్ ఇండియాను గెలిపించారు. 41.2 ఓవర్లలోనే భారత్ లక్ష్యాన్ని చేదించి, అదరహో అనిపించింది. ఇక శనివారం రోజున పాకిస్థాన్, టీమిండియా జట్ల మధ్య మరో పోరు జరుగనుంది. అయితే.. నిన్నటి ఆసీస్ – టీమిండియా మ్యాచ్ లో రోహిత్ శర్మ, ఇషాన్ కిషన్ , శ్రేయస్ అయ్యర్ ఘోరంగా విఫలమైన సంగతి తెలిసిందే.
