కోల్‌కతా లోకల్‌ ట్రైన్లో షాకింగ్ సంఘటన జరిగింది. కొంత మంది మహిళలు జుట్లు పట్టుకుని లాక్కుంటూ.. చెప్పులతో కొట్టుకుంటూ.. హల్చల్ చేసిన ఘటన చోటుచేసుకుంది. దీనికి సంబంధించిన దృశ్యాలు ఇప్పుడు సోషల్ మీడియాలో వైరల్ అవుతున్నాయి. ఈ వీడియోను ఆయుషి అనే మహిళ ‘కోల్‌కతా లోకల్‌’ పేరుతో ట్విటర్‌లో పోస్ట్‌ చేసింది. ప్రస్తుతం ఈ వీడియో ట్రెండింగ్లో ఉంది.
కోల్‌కతాలోని లోక్‌ల్‌ ట్రైన్లో లేడీస్ కంపార్ట్‌మెంట్‌లో కొందరు మహిళలు ఒకరినొకరు దూషించుకుంటూ దాడికి దిగారు. ఒకరిపై ఒకరు గట్టిగా కేకలు వేసుకోవడంతో పాటు చెప్పులతో కొట్టుకొని పిడిగుద్దులతో విరుచుకుపడ్డారు. జుట్టు పట్టుకొని కొట్టుకోవడంతో అక్కడే ఉన్న తోటి ప్రయాణికులు షాక్‌కు గురయ్యారు. తోటి ప్రయాణికుల జోక్యం చేసుకుని గొడవను సద్దుమణిగేలా చేసేందుకు చేసిన ప్రయత్నాలు బెడిసికొట్టాయి. అసలు వీరి మధ్య గొడవకు కారణాలేంటనేది మాత్రం తెలియలేదు. జులై 11న ఈ వీడియోను పోస్ట్‌ చేయగా దాదాపు 27వేల మందికి పైగా నెటిజన్లు వీక్షించారు.
Kolkata local🙂 pic.twitter.com/fZDjsJm93L
— Ayushi (@Ayushihihaha) July 11, 2023
