ఐపీఎల్‌ 2023 చాలా రసవత్తరంగా కొనసాగుతోంది. ఇక ఈ టోర్నీలో భాగంగా నిన్న జరిగిన ఢిల్లీ, చెన్నై మ్యాచ్ లో ధోనీ సేన ఏకంగా 27 పరుగుల తేడాతో విజయం సాధించింది. మొదట బ్యాటింగ్ చేసి ఆ ధోనీ సేన నిర్ణీత ఓవర్ లలో 167 పరుగులు చేయగా, లక్ష్య చేదనలో ఢిల్లీ కేవలం 140 పరుగులకు మాత్రమే పరిమితం అయింది.
అయితే, చెన్నైపై ఓటమితో ఢిల్లీ క్యాపిటల్స్ ప్లే ఆఫ్ అవకాశాలు దాదాపు మూసుకుపోయాయి. ప్లే ఆఫ్ రేసులో ఉండడం కోసం కచ్చితంగా గెలవాల్సిన మ్యాచ్ లో చేతులెత్తేసింది. ఇప్పటివరకు ఆడిన 11 మ్యాచ్లో నాలుగు విజయాలు సాధించి ఏడింట్లో ఓడింది. మిగిలిన అన్ని మ్యాచ్లు గెలిచినా NRR తక్కువగా ఉండటంతో ప్లే ఆఫ్స్ బెర్త్ కష్టమే. నాలుగు సార్లు ఛాంపియన్ చెన్నై మరోసారి ప్లే ఆఫ్స్ బెర్త్ కు మరింత చేరువ అయింది.
