సొంత కుమారుడిని తల్లిదండ్రులే చంపి గోనె సంచిలో చుట్టి బయట పడేసిన ఘటన మధ్యప్రదేశ్లోని ఇందౌర్ లో చోటుచేసుకుంది. ఈ ఘటనపై విచారణ జరిపిన పోలీసులకు విస్తుపోయే విషయాలు బయటపడటంతో షాకయ్యారు.కన్న తల్లిపై అత్యాచారానికి పాల్పడడం వల్లే కుమారుడిని అతడి తల్లిదండ్రులు హత్య చేశారని పోలీసులు తెలిపారు.
పోలీసులు తెలిపిన వివరాల ప్రకారం.. ఇందౌర్లోని ఏరోడ్రోమ్ పోలీస్ స్టేషన్ పరిధిలో ఏప్రిల్ 26న గోనె సంచిలో చుట్టి ఉన్న ఓ మృతదేహం పారిశుద్ధ్య కార్మికులకు కనిపించగా.. వారు వెంటనే పోలీసులకు సమాచారం అందించారు. ఘటనాస్థలికి చేరుకున్న పోలీసులు మృతదేహాన్ని ఉంచిన గోనె సంచిపై ఉన్న అడ్రస్ను బట్టి నిందితులను పట్టుకోగలిగారు. ఆ దిశగా దర్యాప్తు చేపట్టిన పోలీసులకు మృతుడు సుధాన్షు ఏప్రిల్ 24న కన్నతల్లిపైనే సుధాన్షు అత్యాచారానికి పాల్పడ్డ విషయం తెలిసింది.
ఆ విషయాన్ని భర్తకు బాధితురాలు తెలియజేయగా.. కోపోద్రిక్తుడైన భర్త భార్యతో కలిసి రాత్రి 3 గంటల సమయంలో సుధాన్షును సుత్తి, స్క్రూడ్రైవర్తో కొట్టి హత్య చేశారు. అనంతరం కొడుకు మృతదేహాన్ని రెండు రోజుల పాటు ఇంట్లోనే ఉంచిన దుర్వాసన రావడం వల్ల ఏప్రిల్ 26వ తేదీ తెల్లవారుజామున బైక్పై మృతదేహాన్ని సుధాన్షు తండ్రి రాజారామ్ నిర్జీవ ప్రదేశంలో పడేశాడని పోలీసులు తెలిపారు.
