‘‘హనుమంతుడి శక్తి లాగే.. ఈ రోజు భారత్‌ తన సామర్థ్యాన్ని గుర్తించిందని ప్రధాన మంత్రి నరేంద్ర మోదీ అన్నారు. హనుమాన్‌ నుంచి స్ఫూర్తి పొంది బీజేపీ అవినీతిపై పోరాడుతోంది. ఆ భగవాన్‌ లాగే తాము కూడా నేడు ఏ సవాళ్లను అయినా ఎదుర్కొనేందుకు సంసిద్ధంగా ఉందని చెప్పారు. నిస్వార్థ సేవా మార్గాన్నే పార్టీ విశ్వసిస్తుందని స్పష్టం చేశారు. బీజేపీ వ్యవస్థాపక దినోత్సవం సందర్భంగా మోదీ నేతలు, కార్యకర్తలను ఉద్దేశించి మాట్లాడారు.
ఈ సందర్భంగా మోదీ ప్రతిపక్షాలపై మండిపడ్డారు. తమ అస్థిత్వం కోసం పోరాడుతున్న కొన్ని పార్టీలు.. బీజేపీకి వ్యతిరేకంగా కుట్రలు పన్నుతూనే ఉన్నాయంటూ కాంగ్రెస్‌పై పరోక్షంగా వ్యంగ్యాస్త్రాలు గుప్పించారు.
‘ప్రతిపక్షాలు విశాల దృక్పథంలో ఆలోచించలేకపోతున్నాయి. వారిది సంకుచిత మనస్తత్వం. చిన్న లక్ష్యాలను పెట్టుకుని వాటితోనే సంతృప్తి చెందుతున్నారు. బీజేపీ పెద్ద కలలు కనడమే గాక, వాటిని నెరవేర్చుతోంది. 2014లో మేం అధికారంలోకి వచ్చినప్పటి నుంచి వారు పేదలు, అణగారిన వర్గాలు, అణచివేస్తూనే ఉన్నారు. తమది పరివార్‌వాది పార్టీ కాదని, బీజేపీకి పార్టీ కంటే దేశమే ముఖ్యమని చెప్పారు. 2024లో ఎన్నికల్లో బీజేపీని ఎవరూ ఓడించలేరని’ ధీమా వ్యక్తం చేశారు.
