78వ స్వాత్రంత్య్ర దినోత్సవ సంబరాుల్లో భాగంగా భారత ఒలింపిక్‌ క్రీడా బృందంతో తాజాగా ప్రధాని నరేంద్ర మోదీ భేటీ అయ్యారు. క్రీడాకారులతో మాట్లాడి వారి అనుభవాలను తెలుసుకున్నారు. పారిస్‌ ఒలింపిక్స్లో వారి ప్రదర్శనను అభినందించారు. ప్లేయర్లతో కలిసి ఫొటోలు దిగగా.. ఇప్పుడు ఆ ఫొటోలు నెట్టింట బాగా వైరల్ అవుతున్నాయి.
ఈ సమావేశంలో షూటర్ మను బాకర్ ప్రధానితో ప్రత్యేకంగా ముచ్చటించింది. తాను ఒలింపిక్స్లో వాడిన పిస్టోల్ను చూపిస్తూ మురిసిపోయింది. ఆ తర్వాత హాకీ పురుషుల జట్టు ప్రధానికి ఓ స్పెషల్ గిఫ్ట్ ఇచ్చింది. ప్లేయర్లంతా సంతకం చేసిన ఓ జెర్సీ, హాకీ స్టిక్‌ను మోదీకి బహుమతిగా అందించగా.. యంగ్ రెజ్లర్‌ అమన్‌ సెహ్రావత్‌ కూడా భారత జెర్సీని ప్రధానికి గిప్ట్ గా ఇచ్చాడు.
ఇక దిల్లీ ఎర్రకోటలో జాతీయ జెండా ఎగురవేసిన అనంతరం మోదీ ప్రసంగిస్తూ.. 2036లో ఒలింపిక్స్ కు ఆతిథ్యమిచ్చేందుకు భారత్ రెడీగా ఉందని తెలిపారు. ఈ విశ్వక్రీడల్లో పోటీ పడిన అథ్లెట్లను అభినందిస్తూ.. పారా ఒలింపిక్స్‌కు వెళ్లే అథ్లెట్లకు మోదీ శుభాకాంక్షలు తెలిపారు.
