Team India visited Simhadri Appanna : సింహాద్రి అప్పన్నను దర్శించుకుంది టీమిండియా. వన్డే ప్రపంచకప్ 2023 ఫైనల్ పరాజయం మరవకముందే టీమిండియా మరో ఆసక్తికర పోరుకు సిద్ధమైంది. వరల్డ్ కప్ 2023 ఛాంపియన్ ఆస్ట్రేలియాతో సొంత గడ్డపై ఐదు 20ల సిరీస్ ఆడనుంది. ఈ సిరీస్ లో భాగంగా తొలి మ్యాచ్ వైజాగ్ వేదికగా గురువారం జరగనుంది. ఇరు జట్లలో సీనియర్ ఆటగాళ్లు దూరమయ్యారు. టీమిండియా అయితే పూర్తిగా కుర్రాళ్లతో బరిలోకి దిగుతోంది.
ఈ క్రమంలో టీమిండియా ఆటగాళ్లు గురువారం ఉదయం సింహచల అప్పన్నను దర్శించుకున్నారు. వాషింగ్టన్ సుందర్, తిలక్ వర్మలు టీమిండియా బృందంతో కలిసి ప్రత్యేక పూజలు చేశారు. ఆలయ అధికారులు ఆహ్వానం పలికారు. అనంతరం భారత క్రికెటర్లు శ్రీ వరాహ లక్ష్మీనరసింహస్వామి వారి ఆశీస్సులు తీసుకున్నారు. వేద పండితులు, ఆలయ అర్చకులు క్రికెటర్లకు తీర్థ ప్రసాదాలు అందజేశారు. కాగా ఇవాళ మ్యాచ్ రాత్రి 7 గంటలకు ప్రారంభం అవుతుంది.
