భారత్ లో గంజాయి చట్టబద్దం చేసే అవకాశం ఉందా…? అంటే అవుననే సమాధానం వినపడుతుంది. ప్రస్తుతం భారత్ లో గంజాయి చట్ట విరుద్దం. కానీ ఇప్పుడు, ఐక్యరాజ్యసమితి గంజాయి మరియు గంజాయి సంబంధిత ఉత్పత్తులను ప్రమాదకరమైన మాదక పదార్థాల జాబితా నుండి తొలగించాలని నిర్ణయం తీసుకుంది. భారతదేశం ఈ నిర్ణయానికి అనుకూలంగా ఓటు వేసింది. భారతదేశంలో గంజాయిని చట్టబద్ధం చేయాలని డిమాండ్లు ఉన్నాయి.
యుఎన్ కమిషన్ ఆన్ నార్కోటిక్ డ్రగ్స్ (యుఎన్‌సిఎన్డి) మెజారిటీ ఓటింగ్ ద్వారా ఈ నిర్ణయం తీసుకుంది. నిషేధిత పదార్థాల జాబితా నుండి గంజాయి మరియు గంజాయి ఉత్పత్తులను తొలగించడానికి ఓటు వేసిన 27 దేశాలలో భారతదేశం ఒకటి. గంజాయి మరియు దాని ఉత్పన్నాలపై ప్రపంచ ఆరోగ్య సంస్థ (డబ్ల్యూహెచ్‌ఓ) చేసిన సిఫారసుల నుండి ఈ నిర్ణయం తీసుకున్నారు అని అంతర్జాతీయ మీడియా పేర్కొంది.
