సాధారణంగా సినీపరిశ్రమలో హీరోయిన్లు ఎక్కువ కాలం మనుగడ కొనసాగించడం కష్టమనే చెప్పాలి. ఏదైనా స్పెషల్ టాలెంట్ ఉంటేనో లేదా అదృష్టం ఉంటేనో తప్ప.. ఎక్కువ ఛాన్స్లు అందుకునే అవకాశం ఉండదు. అయితే ఇప్పుడు ఆఫర్లు తగ్గిపోతున్న ముద్దుగుమ్మలకు సోషల్మీడియా ఓ వరంగా మారింది. దీంతో ఆ భామలంతా హాట్ట్రీట్నే నమ్ముకున్నారు! అందాల ఆరబోతలో జోరు పెంచి… అభిమానులకు నిద్ర లేకుండా చేస్తున్నారు. వారికి మైండ్ బ్లాక్ చేస్తున్నారు. అలానే దర్శకనిర్మాతలను ఆకర్షించడానికి ప్రయత్నిస్తున్నారు. ఓ సారి ఆ భామలెవరో చూద్దాం…
ప్రియాంక జవాల్కర్.. షార్ట్ఫిల్మ్స్తో పాపులర్ అయిన అనంతపురం అమ్మాయి ప్రియాంక జావల్కర్‌.. ‘టాక్సీవాలా’ చిత్రంతో తెలుగు ప్రేక్షకులకు పరిచయమైంది. తొలి సినిమాతోనే హిట్‌ అందుకున్న ఆమె ‘తిమ్మరుసు’, ‘ఎస్‌ ఆర్ కళ్యాణమండపం’, ‘గమనం’ చిత్రాల్లో మెరిసింది. ప్రస్తుతం ఈ అమ్మడు చేతిలో ఒక్క సినిమా లేదు కానీ సోషల్మీడియాలో మాత్రం.. హాట్ అందాలను తెగ ఆరబోస్తోంది. ఇటీవలే ఓ ఇంటర్వ్యూలో మాత్రం ఆచితూచి మంచి సినిమాలు మాత్రమే చేస్తానని చెప్పింది.
నివేతా పేతురాజ్.. రీసెంట్గా ‘విరాటపర్వం’లో అలా కనిపించి మాయమైన నివేదా పేతురాజ్.. చేతిలో ప్రస్తుతం ఒక్క సినిమా మాత్రమే ఉంది. విశ్వక్సేన్తో ‘ధమ్కీ’ చిత్రంలో నటిస్తోంది. అయితే సామాజిక మాధ్యమాల్లో మాత్రం గ్యాప్ లేకుండా అదిరేపోయే ఫొటోషూట్లను పోస్ట్ చేస్తూ కుర్రాళ్లను కవ్విస్తోంది.
నిధిఅగర్వాల్.. ‘సవ్యసాచి’తో ఎంట్రీ ఇచ్చి.. ఇస్మార్ట్ శంకర్తో ఒక్కసారిగా క్రేజ్ సంపాదించుకున్న బ్యూటీ నిధి అగర్వాల్. ప్రస్తుతం పవర్స్టార్ పవన్కల్యాణ్తో ‘హరిహరవీరమల్లు’తో పాటు ఓ తమిళ సినిమా చేస్తోంది. ఈ రెండు ప్రకటించి కూడా చాలా కాలం అయింది. ఆ తర్వాత కొత్త ప్రాజెక్ట్లను ప్రకటించలేదు. ఇప్పుడీ ముద్దుగుమ్మ అందాల ఫొటో షూట్లకే పరిమితమైనట్లు కనిపిస్తోంది.
నభానటేష్.. ఇస్మార్ట్ శంకర్తో యూత్లో క్రేజ్ దక్కించుకున్న మరో బ్యూటీ నభా నటేష్. డిస్కోరాజా, సోలో బ్రతుకే సో బెటర్, అల్లుడు అదుర్స్, మ్యాస్ట్రో.. ఇలా ఆమె నటించిన వరుస సినిమాలు అంతగా ఆడకపోవడం వల్ల ఈమె కూడా ఫొటోషూట్లకే పరిమితమైనట్లు కనిపిస్తోంది.
ఈషారెబ్బా.. ఇండస్ట్రీలో మరో హాట్ బ్యాటీ ఈషా రెబ్బా. ‘అ!’, ‘అరవింద సమేత..’, ‘సుబ్రహ్మణ్యపురం’ తదితర చిత్రాలతో తెలుగు ప్రేక్షకులకు పరిచయమైన నటి ఈషా రెబ్బా. ఓటీటీల్లోకి అడుగుపెట్టి ‘పిట్టకథలు’, ‘త్రీ రోజెస్‌’ లాంటి వెబ్‌ సిరీస్‌ల్లోనూ సందడి చేసింది. అయితే ప్రస్తుతం ఈ భామ చేతిలో తెలుగు చిత్రాలే లేవు. తమిళ, మలయాళంలో రెండు చిత్రాలు చేస్తోంది. అవి కూడా ఎప్పుడో ఒప్పుకుంది. ఈమె సోషల్మీడియాలో పోస్ట్ చేసే ఫొటోలు చూస్తే నెటిజన్లకు నిద్ర కూడా పట్టదు.
ప్రియా ప్రకాశ్.. కొంటెగా కన్నుగీటి.. కుర్రకారు హృదయాలు కొల్లగొట్టి.. ఓవర్‌నైట్‌లోనే స్టార్ అయ్యింది కేరళ కుట్టి ప్రియా ప్రకాశ్ వారియర్‌. వింకిల్‌ గర్ల్‌గా ప్రత్యేకస్థానాన్ని సంపాదించుకున్న ఈ నటి తెలుగులో చెక్, ఇష్క్ చిత్రాలతో సందడి చేసింది. కానీ ఈ అమ్మడు అవకాశాలు మరి చాలా తక్కువగానే వచ్చాయనే చెప్పాలి. ప్రస్తుతం వివిధ భాషల్లో మూడు ప్రాజెక్ట్లు చేస్తున్నప్పటికీ.. ఆమెకు వచ్చిన క్రేజ్ అవి తక్కువే. దీంతో ఆమె కొంతకాలంగా మతిపోయే ఫొటోలను పోస్ట్ చేస్తూ మైండ్ బ్లాంక్ చేస్తోంది.
లావణ్య త్రిపాఠి.. అందం.. అభినయంతో ఆకట్టుకున్న ఉత్తరాది సోయగం లావణ్య త్రిపాఠి. ఇటీవలే ఆమె నటించిన ‘హ్యాపీబర్త్డే’ ఆడలేదు. సినిమా ఆఫర్లలో అంతకుముందు ఉన్న జోరు ప్రస్తుతం కనపడట్లేదు. దీంతో ఈమె కుడా అందాల ఎర చూపుతూ ఫాలోయింగ్ను పెంచుకుంటోంది.
ప్రగ్యాజైశ్వాల్.. తొలి అడుగుల్లోనే ప్రతిభ చాటింది ప్రగ్యా జైస్వాల్‌. ‘కంచె’ చిత్రంతో ఆమె చక్కటి అభినయం ప్రదర్శించింది. అయితే ఆ తర్వాత ఆమె కెరీర్ అంత సాఫీగా సాగలేదు. కెరీర్‌లో విజయాన్ని సొంతం చేసుకునేందుకు ఎంతో ప్రయత్నించిన ఆమెకు ఎట్టకేలకు ఇటీవలే ‘అఖండ’తో దక్కింది. దీంతో ఈ భామ మళ్లీ సక్సెస్ ట్రాక్ ఎక్కుతది అని అనుకున్నా.. ఇంకా ఒక్క కొత్త ప్రాజెక్ట్ కూడా ప్రకటించలేదు. కానీ నెట్టింట్లో మాత్రం అందాల విందు వడ్డించేస్తోంది.
పాయల్ రాజ్పుత్.. ‘ఆర్ఎక్స్ 100’ కుర్రాళ్ల మతిపోగొట్టిన భామ పాయల్ రాజ్పుత్. ఎన్ని ప్రయత్నాలు చేసినా స్టార్ హీరోయిన్గా గుర్తింపు తెచ్చుకోలేకపోయింది. ప్రస్తుతం ఈమె నటించిన ‘తీస్మార్ ఖాన్’ విడుదలకు రెడీగా ఉండగా.. మంచు విష్ణుతో కలిసి జిన్నా మూవీ చేస్తోంది. ఇవి ఖాళీ అయితే ఆమె చిత్రాలో లేవు.
అదాశర్మ.. హార్ట్ ఎటాక్తో ప్రేక్షకుల మదిలో ప్రత్యేక స్థానాన్ని సంపాదించుకున్న ఈ భామ.. ప్రస్తుతం పూర్తిగా సోషల్మీడియాకే పరిమితమైంది. వింత వింత డ్రెస్సులు ధరిస్తూ, పోజులు ఇస్తూ కనువిందు చేస్తోంది. అప్పడప్పుడు అడపాదడపా సినిమాలు చేస్తోంది.
ఇంకా ఈ జాబితాలో ఒక్కప్పుడు తెలుగులో స్టార్ హీరోయిన్గా రాణించిన మీరాజాస్మిన్, ఇలియానాతో పాటు ఒకటి రెండు చిత్రాల్లో నటించిన నెహా శర్మ కూడా సోషల్మీడియాలో గ్లామర్ డోస్ ఫుల్గా పెంచేశారు. స్క్రిన్ షోలో రెచ్చిపోతున్నారు.
