జార్ఖండ్ ముఖ్యమంత్రి వర్యులు హేమంత్ సోరెన్కు ఊహించని ఎదురు దెబ్బ తగిలింది. దీంతో ఆయన సీఎం పదవికే గండం ఏర్పడింది. హేమంత్ సోరెన్ పై అనర్హత వేటుకు ఈసీ సిఫారసులు జారీ చేసినట్లు సమాచారం అందుతోంది. దీంతో.. జార్ఖండ్ ముఖ్యమంత్రి హేమంత్ సోరెన్కు రాజకీయంగా గట్టి ఎదురుదెబ్బ తగిలనుంది.
ఆయనపై అనర్హత వేటు వేయాలని కేంద్ర ఎన్ని కల సంఘం సిఫార్సు చేసిందని సమాచారం అందుతోంది. ఈ మేరకు గవర్నర్ రమేశ్ బైస్కు ఈమేరకు నివేదిక సమర్పించింది.
అధికార దుర్వినియోగానికి పాల్పడినందున ఆయన శాసనసభ సభ్యత్వాన్ని రద్దు చేయాలని సూచించింది కేంద్ర ఎన్నికల సంఘం. ముఖ్యమంత్రిగా ఉన్న హేమంత్ సోరెన్.. మైనింగ్ లీజును తనకు తానే కేటాయించుకున్నారని, ఇది అధికార దుర్వినియోగమేనని ఆరోపిస్తూబీజేపీ ఫిర్యాదు చేసింది. దీనిపై ఈసీ అభిప్రాయం కోరారు గవర్నర్… ఎన్నికల సంఘం నివేదిక ఆధారంగా అతి త్వరలోనే ముఖ్యమంత్రిపై గవర్నర్ చర్యలు తీసుకునే అవకాశముందని సమాచారం అందుతోంది.
