పాడి కౌశిక్ రెడ్డి.. క్రికెటర్ టూ పొలిటీషియన్

-

 

పాడి కౌశిక్‌రెడ్డి. హుజూరాబాద్ ఉప ఎన్నికల నేపథ్యంలో రాష్ట్రంలో హాట్ టాపిక్‌గా మారిన పేరు. తొలి నుంచీ కాంగ్రెస్‌ పార్టీలోనే ఉన్నా ఉప ఎన్నికల ముంగిట గులాబీ కండువా కప్పుకున్నారు. ప్రస్తుతం గవర్నర్ కోటాలో ఎమ్మెల్సీగా నామినేట్ అయ్యారు. ఇంకా, ఆ ఫైల్ పెండింగ్‌లో ఉన్నది. అది వేరే విషయం అనుకోండి. పాడి కౌశిక్‌రెడ్డికి ఓ క్రికెటర్ అన్న విషయం మీకు తెలుసా. హైదరాబాద్ జట్టు తరఫున ఆడారు. ఆల్ రౌండర్‌గా సేవలందించారు. ఆ తర్వాత ఇండియన్ క్రికెట్ లీగ్‌ కూడా ఆడారు. ఆయన గురించి మరికొన్ని ఆసక్తికర విషయాలు మీ కోసం..

– పాడి కౌశిక్ రెడ్డి రైట్ హ్యాండ్ బ్యాటర్, రైట్ ఆర్మ్ ఫాస్ట్ మీడియం బౌలర్‌ కూడాను. ఆల్‌రౌండరైన కౌశిక్‌రెడ్డి రంజీల్లో హైదరాబాద్ జట్టు, ఇండియన్ క్రికెట్ లీగ్(ఐసీఎల్)లో హైదరాబాద్ హీరోస్, సౌత్‌జోన్ ఆడారు.

– తన మొదటి మ్యాచ్ 2004, డిసెంబర్ 22- 24న హైదరాబాద్‌లో పంజాబ్ జట్టుపై ఆడారు. తన చివరి మ్యాచ్‌ను 2007, జనవరి 10న హైదరాబాద్ వేదికగా పంజాబ్ జట్టుపైనే ఆడారు.

– ఇండియన్ ప్రీమియర్ లీగ్ పోటీ లీగ్ అయిన ఇండియన్ క్రికెట్‌ లీగ్‌లో చేరారు. దీంతో బీసీసీఐ పాడి కౌశిక్‌రెడ్డిపై నిషేధం విధించింది.

– ఐసీఎల్‌లో హైదరాబాద్ జట్టు తరఫున 2008 సీజన్‌లో ఆడారు. ఆ తర్వాత నుంచి క్రికెట్ ఆడలేదు.

Read more RELATED
Recommended to you

Latest news