టీమిండియా క్రికెటర్ కేఎల్ రాహుల్, బాలీవుడ్ నటి అతియా శెట్టిల వివాహం ఉన్న ఖండాల మహారాష్ట్రలో ఘనంగా జరిగింది. భారత్ తో పాటు పలువురు పాకిస్తాన్ క్రికెటర్లు కూడా గత వారంలో పెళ్లిళ్లు చేసుకున్నారు. వారం రోజుల క్రితం ఆ జట్టు స్టార్ పెసర్ హరీష్ రౌఫ్ తో పాటు రెండురోజుల క్రితం షాన్ మసూద్ కూడా ఓ ఇంటివాడయ్యాడు.
తాజాగా పాకిస్తాన్ జట్టులో కీలక ఆటగాడిగా ఉన్న ఆ టీం స్పిన్ ఆల్ రౌండర్ షాదాబ్ ఖాన్ కూడా ఆ లిస్టులో చేరాడు. పాకిస్తాన్ క్రికెట్ జట్టుకు హెడ్ కోచ్ గా వ్యవహరిస్తున్న సక్లయిన్ ముస్తాక్ పెద్ద కూతురినే షాదాబ్ ఖాన్ పెళ్లి చేసుకున్నాడు. సోమవారం రాత్రి కుటుంబ సభ్యులు, కొద్దిమంది బంధువుల సమక్షంలో వీరి వివాహం ఘనంగా జరిగింది. ఈ విషయాన్ని స్వయంగా షాదాబ్ తన ట్విటర్ ఖాతా వేదికగా వెల్లడించాడు. దీనికి సంబంధించిన ఫోటోలు వైరల్‌ అవుతున్నాయి.
