విమోచన అనండి లేదా విలీనం అనండి..ఈ రోజు మాత్రం చారిత్రాత్మక శుభ దినం అని జనసేన పార్టీ అధినేత పవన్‌ కల్యాణ్‌ పేర్కొన్నారు. ఇవాళ తెలంగాణ రాష్ట్ర వ్యాప్తంగా సెప్టెంబర్ 17 వేడుకలు జరుగుతున్నాయి. ఈ నేపథ్యంలోనే.. తెలంగాణ ప్రజలకు శుభాకాంక్షలు చెప్పారు జనసేన పార్టీ అధినేత పవన్‌ కల్యాణ్‌.
ప్రపంచంలోనే పేరు గాంచిన సాయుధ పోరాటానికి జన్మనిచ్చిన పురిటి గడ్డ తెలంగాణ.. అని కొనియాడారు. ఈ పుణ్యభూమికి సంపూర్ణ స్వేచ్ఛ లభించిన రోజు సెప్టెంబర్ 17 అన్నారు. దీనిని విమోచన అనండి లేదా విలీనం అనండి.. ఏ పేరుతో పిలిచినా సరే.. ఈ రోజు మాత్రం చారిత్రాత్మక శుభ దినం.. ప్రజలకు బానిస సంకెళ్లు తొలగిన మరపురాని రోజు అని వెల్లడించారు పవన్‌ కల్యాణ్‌. తెలంగాణ ప్రజలు ఎప్పుడూ సుఖ, సంతోషాలతో ఉండాలని జనసేన పార్టీ అధినేత పవన్‌ కల్యాణ్‌ కోరారు.
