నిన్న ఆర్‌ఆర్‌ఆర్‌ సినిమాకు పలు అవార్డులు వచ్చిన నేపథ్యంలోనే… రామ్ చరణ్ కు అభినందనలు చెప్పారు జనసేన పార్టీ అధ్యక్షులు పవన్ కళ్యాణ్. ప్రతిష్టాత్మక హాలీవుడ్ క్రిటిక్స్ అసోసియేషన్ అవార్డుల్లో ‘ఆర్.ఆర్.ఆర్’ పలు పురస్కారాలు దక్కించుకోవడం ఆనందదాయకమని ఓ పోస్ట్‌ పెట్టారు.
ఈ వేదికపై ‘బెస్ట్ వాయిస్/మోషన్ కాప్చర్ పెర్ఫార్మన్స్’ ను రామ్ చరణ్ ద్వారా ప్రకటింపచేయడం, స్పాట్ లైట్ అవార్డు స్వీకరించడం సంతోషాన్ని కలిగించింది. రామ్ చరణ్ కీ, దర్శకులు శ్రీ రాజమౌళికి, చిత్ర బృందానికి హృదయపూర్వక అభినందనలు. చరణ్ మరిన్ని మంచి చిత్రాలు చేసి అందరి మన్ననలు పొంది ఘన విజయాలు సాధించాలని మనస్ఫూర్తిగా కోరుకుంటున్నానని వివరించారు జనసేన పార్టీ అధ్యక్షులు పవన్ కళ్యాణ్.
