దేశవ్యాప్తంగా ఇప్పుడు ఉల్లిపాయలు హాట్ టాపిక్. ఎందుకంటే ఉల్లి పాయ‌లు స‌హ‌జంగా కోసేట‌ప్పుడే క‌న్నీళ్లు పెట్టిస్తాయి.. కానీ ఇప్పుడు కొనేట‌ప్పులు కూడా క‌న్నిళ్లు పెట్టుస్తున్నాయి. ధర చుక్కల నంటడమే ఇందుకు కారణం. ఈ ఏడాది ఉల్లి ధర రూ.200 మార్కు చూసేసింది. కొన్ని రాష్ట్రాల్లో అంతకంటే ఎక్కువ ధర పలికింది. ఈ క్ర‌మంలో ఓ ఆన్ లైన్ బస్సు సర్వీస్ సంస్థ సరదాగా మీకు ఉల్లిపాయలు కావాలా..? గోవా ట్రిప్ కావాలా..? అంటే 50 శాతం మందికి పైగా ఉల్లిపాయలను ఎంచుకోవడంతో ఆ సంస్థ ఆశ్చర్యంలో మునిగిపోయింది.
వివ‌రాల్లోకి వెళ్తే.. ‘అభి బస్.కామ్’ గోవా కేంద్రంగా ఆన్ లైన్ బస్సు సర్వీసులను నిర్వహిస్తోంది. ఈ సంస్థ ఉల్లి ధరల కారణంగా సామాజిక మాధ్యమాల్లో వస్తున్న జోక్స్, మీమ్స్ చూసి తమ ప్రయాణికులకు ఉల్లిపాయలు గెల్చుకునే పోటీ నిర్వహించాలని భావించింది. దీని కోసం `డిసెంబర 10 నుంచి 15వ తేదీ వరకు ఎవరైతే తమ సంస్థలో టికెట్ బుక్ చేసుకుంటారో వారికి కొన్ని ఆఫర్లు ఇస్తున్నాం` అని ఆఫ‌ర్ చేశారు. అలా ఇచ్చిన ఆఫర్లలో గోవా ట్రిప్, ఐఫోన్, ఈ-బైక్ తోపాటు మూడు కేజీల ఉల్లిపాయలను కూడా ప్రకటించింది.
ఇందులో ఏదో ఒకదాన్ని ప్రయాణికులు ఎంచుకోవచ్చు. ఇక్క‌డ ఆశ్చర్యం ఏంటంటే.. టికెట్ బుక్ చేసుకున్న ప్రయాణికుల్లో 56 శాతం మంది ఉల్లిపాయలను ఎంచుకోవడంతో ఆ సంస్థ షాక్‌కు గురైంది. ఇక చేసేదేమి లేక ఈ సంస్థ తన ప్రయాణికుల్లో ప్రతిరోజూ 20 మందిని ఎంపిక చేసి మూడు కేజీలు చొప్పున ఉల్లిపాయలు అందజేస్తోంది. ఏదేమైన దీనిని బ‌ట్టీ ఉల్లిపాయ‌ల‌కు ఎంత డిమాంగ్ ఉందో స్ప‌ష్టంగా అర్థం అవుతుంద‌ని చెప్పాలి.
