రాంగ్ రూట్ లో వెళ్లే వారి తాట తీసేందుకు సిద్ధం అవుతున్నారు హైదరాబాద్ ట్రాఫిక్ పోలీసులు. రాంగ్ రూట్ లో వెళ్తే జరిమానా విధించడమే కాక డ్రైవింగ్ లైసెన్స్ కూడా రద్దు చేస్తామని చెబుతున్నారు. రాంగ్ రూట్ లో వెళ్లి ఇతర ప్రయాణికులకి ఇబ్బంది కలిగిస్తున్న నేపథ్యంలో వారిపై చట్టపరంగా కఠినంగా చర్యలు తీసుకోవడానికి ట్రాఫిక్ పోలీసులు సిద్దం అయ్యారు .
రాంగ్ రూట్ లో రావడం వల్ల డేంజర్ అని, అది మీకు మాత్రమే కాకుండా ఇతర వాహనదారులుకి కూడా హాని కలిగిస్తుందని అని పోలీసులు హెచ్చరిస్తున్నారు. ఇలాంటివి జరగకుండా ఉండేందుకు పోలీసులు ప్రత్యేకంగా దృష్టి సారిస్తున్నారు. రాంగ్‌రూట్‌లో ప్రయాణిస్తున్నట్లు సీసీ కెమెరాల ఆధారంగా గుర్తించి జరిమానాతో పాటు లైసెన్స్ కూడా రద్దు చేయడానికి ప్రయత్నాలు చేస్తున్నారు.
