వచ్చే లోక్సభ ఎన్నికలకు బీఆర్ఎస్ సిద్ధమవుతోంది. ఇందుకోసం అభ్యర్థులను ఖరారు చేసే పనిలో ఉన్న పార్టీ అధినేత కేసీఆర్.. సోమవారం నలుగురి అభ్యర్థిత్వాలను ఖరారు చేశారు. కరీంనగర్ నుంచి వినోద్కుమార్, పెద్దపల్లి కొప్పుల ఈశ్వర్, ఖమ్మం నామా నాగేశ్వరరావు, మహబూబాబాద్ నుంచి మాలోత్ కవిత పేర్లను ఖరారు చేశారు. ఇంతవరకు బాగానే ఉన్నా.. కల్వకుంట్ల కవిత పేరు లేకపోవడం రాజకీయ వర్గాల్లో చర్చకు కారణమైంది. ఆమెకు టికెట్ నిరాకరిస్తున్నట్లు సమాచారం.
గత అసెంబ్లీ ఎన్నికల్లో ఓటమితో కంగుతిన్న బీఆర్ఎస్ అధినేత కేసీఆర్.. లోక్సభ ఎన్నికల్లో సత్తా చాటాలని భావిస్తున్నారు. ఈ నేపథ్యంలో అభ్యర్థుల ఎంపికలో ఆచితూచి వ్యవహరిస్తున్నారు. తొమ్మిది సిట్టింగ్ల్లో దాదాపు ఏడుగురికి టికెట్ నిరాకరించారు. కేవలం ఇద్దరికి మాత్రమే అవకాశం కల్పించారు. అయితే, మరోసారి లోక్సభ ఎన్నికల బరిలో నిలువాలని కల్వకుంట్ల కవిత భావిస్తున్నట్లు సమాచారం. కానీ, లిక్కర్ స్కాం వివాదం నేపథ్యంలో ఆమెకు కేసీఆర్ టికెట్ నిరాకరిస్తున్నట్లు సమాచారం.
నిజామాబాద్ ఎంపీ బరిలో బాజిరెడ్డి గోవర్ధన్?
బీజేపీ సిట్టింగ్ ఎంపీ ధర్మపురి అరవింద్కు మరోసారి టికెట్ లభించింది. ఆయన ఢీకొట్టగల నాయకుడి కోసం చూస్తున్న బీఆర్ఎస్ అధినేత కేసీఆర్.. నిజామాబాద్ మాజీ ఎమ్మెల్యే బాజిరెడ్డి గోవర్ధన్ వైపు మొగ్గు చూపుతున్నట్లు సమాచారం. అరవింద్, బాజిరెడ్డి సామాజికవర్గం ఒక్కటే కావడం, నిజామాబాద్ పార్లమెంట్ నియోజకవర్గంలో మున్నూరుకాపు సామాజిక వర్గం ఓట్లు గణనీయ సంఖ్యలో ఉండటంతో బాజిరెడ్డి గోవర్ధన్కు టికెట్ కేటాయిస్తే విజయావకాలు ఉంటాయని బీఆర్ఎస్ భావిస్తోంది. రేపో మాపో బాజిరెడ్డి పేరును అధికారికంగా ప్రకటించే అవకాశం ఉన్నట్లు తెలుస్తోంది.
