జనసేన పోటీ చేసింది 140 సీట్లలో… అది కూడా సొంత బలం మీద. మిత్రపక్షాలైన బీఎస్పీ 21, సీపీఐ, సీపీఎం వామపక్షాలు 14, అలా మొత్తం చేరి 175 సీట్లలో జనసేన కూటమి పోటీ చేసింది. మా లెక్కలు ఖచ్చితంగా ఉంటాయి. మా లెక్కలు సరిగ్గా ఉంటాయి.
ఈసారి జనసేన అధికారంలోకి రాబోతుంది. 88 స్థానాల్లో విజయం సాధిస్తుంది. ఇది ఖాయం.. అని వైజాగ్ లోక్ సభ అభ్యర్థి, పార్టీ నేత వీవీ లక్ష్మీనారాయణ చేసిన వ్యాఖ్యలకు వైఎస్సార్సీపీ ఎంపీ విజయసాయిరెడ్డి స్ట్రాంగ్ కౌంటర్ ఇచ్చారు. లక్ష్మీనారాయణకు దీటుగా విజయసాయిరెడ్డి కౌంటర్ ఇవ్వడం.. మళ్లీ విజయసాయిరెడ్డి కౌంటర్ కు లక్ష్మీనారాయణ కౌంటర్ అటాక్ చేయడం.. ఇలా వీళ్లిద్దరి మధ్య ట్విట్టర్ల యుద్ధం ప్రారంభమైంది.
లక్ష్మీనారాయణ కౌంటర్ కు ముందుగా విజయసాయిరెడ్డి ఏం కౌంటర్ ఇచ్చారంటే… జేడీ గారూ.. గ్లాసు పార్టీలో మీరేమిటో నాకు తెలియదు. చంద్రబాబుకు మీ పార్టీ ఇచ్చిన బీ ఫారాలు పోను మిగిలింది 65 సీట్లు. మరో పార్టనర్ పాల్ బీ ఫారాలు పోగొట్టుకున్నట్టుగానే మీ నాయకుడూ 80 సీట్లలో డమ్మీలను దింపి త్యాగం చేశారు. ఈ లెక్కలు తికమకగా ఉంటే బాబు దగ్గర ట్యూషన్ కు వెళ్లండి.. అంటూ కౌంటర్ ఇచ్చారు.
జేడీ గారూ, గ్లాసు పార్టీలో మీరేమిటో నాకు తెలియదు. చంద్రబాబుకు మీ పార్టీ ఇచ్చిన బీ ఫారాలు పోను మిగిలింది 65 సీట్లు. మరో పార్టనర్ పాల్ బీ ఫారాలు ‘పోగొట్టుకున్నట్టు’ గానే మీ నాయకుడూ 80 సీట్లలో డమ్మీలను దింపి ‘త్యాగం’ చేశారు. ఈ లెక్కలు తికమకగా ఉంటే బాబు దగ్గర ట్యూషన్‌కు వెళ్ళండి.
— Vijayasai Reddy V (@VSReddy_MP) April 20, 2019
దానికి వీవీ లక్ష్మీనారాయణ స్పందిస్తూ.. జనసేన పోటీ చేసింది 140 సీట్లలో… అది కూడా సొంత బలం మీద. మిత్రపక్షాలైన బీఎస్పీ 21, సీపీఐ, సీపీఎం వామపక్షాలు 14, అలా మొత్తం చేరి 175 సీట్లలో జనసేన కూటమి పోటీ చేసింది. మా లెక్కలు ఖచ్చితంగా ఉంటాయి. మా లెక్కలు సరిగ్గా ఉంటాయి.
గౌరవనీయులు, రాజ్యసభ సభ్యులు @VSReddy_MP గారు, @JanaSenaParty పోటీ చేసింది 140 స్థానాలు సొంత బలం మీద.
మిత్రపక్షాలైన బి.ఎస్.పి 21, సి.పి.ఐ., సి.పి.ఎం వామపక్షాలు 14.
అలా మొత్తం చేరి 175 స్థానాలకు జనసేన కూటమి పోటీ చేసింది.
మా లెక్కలు ఖచ్చితంగా ఉంటాయి, మా లెక్కలు సరిగ్గా ఉంటాయి.— V. V. Lakshmi Narayana (JD) (@VVL_Official) April 19, 2019
మీరు సీఏ చదివారు అయినా కూడా మీ లెక్కలు తప్పులు ఎలా అవుతున్నాయో మాకు అర్థం అవ్వట్లేదు. మీ లెక్కలు సరిచూసుకోండి. ఎందుకంటే మేము సత్యం, న్యాయం మీద ఆధారపడి పనిచేసేవాళ్లం కాబట్టి.. మీ తప్పుడు లెక్కల వల్ల ఎంతోమంది ఇరుక్కున్నారు. ఇప్పటికైనా మంచి లెక్కలు నేర్చే విధానాన్ని మొదలుపెట్టండి.. అంటూ వీవీ కౌంటర్ అటాక్ లు ఇవ్వడం… దానికి విజయసాయి రెడ్డీ మళ్లీ కౌంటర్లు ఇవ్వడం.. ఇలా వాళ్ల మధ్య ట్వీట్ల యుద్ధమే నడిచింది.
మీరు CA చదివారు అయినా కూడా మీ లెక్కలు తప్పులు ఎలా అవుతున్నాయో మాకు అర్ధం అవ్వట్లేదు.
మీ లెక్కలు సరిచూసుకోండి ఎందుకంటే మేము సత్యం, న్యాయం మీద ఆధారపడి పనిచేసేవాళ్ళం కాబట్టి.
మీ తప్పుడు లెక్కల వల్ల ఎంతోమంది ఇరుక్కున్నారు.
ఇప్పటికైనా మంచి లెక్కలు నేర్చే విధానాన్ని మొదలుపెట్టండి.— V. V. Lakshmi Narayana (JD) (@VVL_Official) April 19, 2019
పాపం! బాలక్రిష్ణ చిన్నల్లుడు భరత్‌కు టికెట్‌ ఇచ్చినట్టే ఇచ్చి మద్ధతు మాత్రం మీకివ్వమని తండ్రీ కొడుకులిద్దరూ కేడర్‌కు చెప్పిన విషయం నిజం కాదా జేడీ గారూ? ఓట్లు చీల్చి జనాలను వెర్రి పుష్పాలు చేసేందుకు వేర్వేరుగా పోటీ చేశారు. మీ చీకటి పొత్తులను ప్రజలు చక్కగా అర్థం చేసుకున్నారు.
— Vijayasai Reddy V (@VSReddy_MP) April 20, 2019
His Master's Voice (HMV) అన్న బిరుదు మీకు చక్కగా సరిపోతుంది జేడీ గారూ. తెలుగుదేశంలో చేరాలనుకుని ముహూర్తం కూడా పెట్టుకున్నాక, మీ బాస్ చెప్పినట్టు ఆఖరిక్షణంలో జనసేనలో చేరారు. మీ కమిట్‌మెంట్‌ను అభినందించాల్సిందే. ఒకటి నుంచి ఐదు అంకెల్లో ఏది లక్కీ నంబరో వెతుక్కుని లెక్కలు వేసుకోండి.
— Vijayasai Reddy V (@VSReddy_MP) April 20, 2019
జేడీ గారూ, మీ నాయకుడు కుప్పం, మంగళగిరిలో ఎందుకు ప్రచారం చేయలేదో ఒక మాట అడిగి క్లారిటీ ఇవ్వండి. 88 సీట్లు గెలుస్తారో లేదో దీన్ని బట్టే తెలిసి పోతుంది. ‘ప్రశ్న ప్యాకేజీ కోసం రాజీపడి పాదాక్రాంతమైతే’ ప్రజలు నిర్దయగా గుణపాఠం చెబుతారని చరిత్ర అనేకసార్లు రుజువు చేసింది.
— Vijayasai Reddy V (@VSReddy_MP) April 20, 2019
