రంగ్ దే సినిమా థియేటర్లలో సందడి చేయనుండగానే నితిన్ నుండి మరో సినిమా అప్డేట్ రాబోతుంది. ఫ్యామిలీ ఎంటర్ టైనర్ గా వచ్చిన రంగ్ దే, ప్రేక్షకుల నుండి మంచి స్పందన తెచ్చుకుంది. ఐతే రేపు నితిన్ పుట్టినరోజు. ఈ సందర్భంగా నితిన్ తర్వాతి చిత్రం నుండి ఫస్ట్ లుక్ పోస్టర్ బయటకు రానుంది. బాలీవుడ్ లో సూపర్ హిట్ అందుకున్న అంధాధున్ సినిమా తెలుగులో రీమేక్ చేస్తున్న సంగతి తెలిసిందే. ఈ చిత్ర తెలుగు రీమేక్ ఫస్ట్ లుక్ పోస్టర్ రేపు విడుదల కానుంది.
ఈ నేపథ్యంలో ప్రీ లుక్ పోస్టర్ ని వదిలారు. పియానో వాయిస్తున్న నితిన్ ని వెనకాల నుండి చూపించారు. పక్కన పియానో మీద పాలు తాగుతున్న పిల్లి ఉంది. డార్క్ థ్రిల్లర్ గా వస్తున్న ఈ సినిమాలో నభా నటేష్ హీరోయిన్ గా చేస్తుండగా, కీలకమైన పాత్రలో తమన్నా మెరవనుంది. మేర్లపాక గాంధీ దర్శకత్వం వహిస్తున్న ఈ సినిమాని శ్రేష్ఠ్ మూవీస్ బ్యానర్లో నిర్మిస్తున్నారు.
