పంజాబ్ ముఖ్యమంత్రి భగవంత్‌ మాన్‌ హైదరాబాద్‌కు చేరుకున్నారు. మరికాసేపట్లో ఆయన ప్రగతిభవన్‌లో ముఖ్యమంత్రి కేసీఆర్‌తో భేటీ కానున్నారు. ప్రస్తుత రాజకీయాలు, జాతీయ రాజకీయాలు, కేంద్ర ప్రభుత్వ విధానాలు, రాష్ట్రాల ఇబ్బందులు, ఇతర అంశాలపై ఇరువురు చర్చించనున్నారు.. ఆ తర్వాత పంజాబ్ సీఎం నగరంలో జరుగనున్న పెట్టుబడిదారుల సదస్సులో పాల్గొననున్నారు. ఫిబ్రవరిలో పంజాబ్‌లోని మొహాలిలో జరిగే ఇన్వెస్ట్‌మెంట్‌ సమ్మిట్‌లో పాల్గొనాల్సిందిగా వారిని ఆహ్వానించనున్నారు.
పంజాబ్ శాసనసభ స్పీకర్‌ సర్దార్‌ కుల్తార్‌సింగ్‌ సంధ్వాన్‌ ఈ నెల 24న తెలంగాణకు రానున్నారు. ఆయనతో పాటు డిప్యూటీ స్పీకర్‌ జైకిషన్‌ సింగ్ రౌరీ, రాజ్యసభ సభ్యుడు విక్రమ్‌జీత్‌ సింగ్ సాహ్ని, ఎమ్మెల్యే కుల్వంత్‌ సింగ్ పండోరి, మరో ఇద్దరు కూడా హైదరాబాద్‌కు రానున్నారు.
