ప్రగతి భవన్లో రక్షాబంధన్ వేడుకలు ఘనంగా నిర్వహించారు. టిఆర్ఎస్ కార్యనిర్వాహక అధ్యక్షుడు, మంత్రి కేటీఆర్కు ఆయన సోదరి మాజీ ఎంపీ కవిత రాఖీ కట్టారు. ప్రగతి భవన్లో మంత్రి కేటీఆర్ని కలిసిన తెరాస మహిళా నేతలు ఆయనకు రాఖీ కట్టారు.మంత్రి సత్యవతి రాఠోడ్, లోక్సభ సభ్యురాలు మాలోత్ కవిత, ఎమ్మెల్యే సునీత రెడ్డి, జడ్పీ ఛైర్పర్సన్ గండ్ర జ్యోతి తదితరులు కేటీఆర్కు రఖీ కట్టారు. ఎంపీ సంతోష్కు కూడా … కవిత రాఖీ కట్టారు. వేడుకలో ముఖ్యమంత్రి కేసీఆర్ సతీమణి శోభ, కేటీఆర్ సతీమణి శైలిమా ఉన్నారు.
రాఖీ పౌర్ణమి సందర్భంగా హైదరాబాద్ కొండాపూర్లోని మంత్రి హరీశ్రావు నివాసంలో ఆయనకు టిఆర్ఎస్ మహిళా నాయకులు రాఖీ కట్టారు. మంత్రి హరీశ్రావు.. రాష్ట్ర ప్రజలందరికీ రక్షా బంధన్ శుభాకాంక్షలు తెలిపారు. రాఖీ పర్వదినం సోదరసోదరీమణుల ఆత్మీయ అనుబంధానికి ప్రతీక అని మంత్రి పేర్కొన్నారు. ఈ రక్షాబంధన్… సోదరీ, సోదరుల మధ్య బంధాన్ని మరింత బలోపేతం చేయాలని హరీశ్రావు ఆకాంక్షించారు.
ఇంట్లోనే ఉంటూ… సురక్షిత వాతావరణంలో, ఆనందోత్సాహాల మధ్య పండుగను జరుపుకోవాలని మంత్రి సూచించారు. కరోనా వైరస్‌పై విజయం సాధించేందుకు అన్ని ముందస్తు జాగ్రత్తలను పాటిస్తామని ప్రతి ఒక్కరం ప్రతిజ్ఞ చేసి వాటిని పాటించాలన్నారు.
