ఆర్ఎక్స్100 సినిమా హీరోగా కార్తికేయకు,హీరోయిన్‌గా పాయల్‌ రాజ్‌పుత్‌ డైరెక్టర్‌గా అజయ్ భూపతి లకు మంచి పేరు తెచ్చింది. ఈ ఒక్క సినిమా తో హీరో, హీరోయిన్స్ కు చాలా అవకాశాలు వచ్చాయి. ఇక ఈ సినిమా తర్వాత అజయ్ భూపతి రెండో సినిమా గా మహాసముద్రం ను తీశాడు.ఎన్నో అంచనాల మధ్య విడుదలైన ఈ సినిమా మాత్రం బాక్సాఫీస్‌ వద్ద ప్లాప్ అయ్యింది. దీనితో టాలెంటెడ్ డైరెక్టర్ గా వచ్చిన పేరు మొత్తం పోయింది.
దీని నుండి తేరుకున్న అజయ్ ప్రస్తుతం ఒక సూపర్ కథతో ఈ సినిమా చేస్తున్నారట. త్వరలోనే ఈ చిత్రం షూటింగ్ స్టార్ట్ చేయబోతున్నాడట. ఇది కూడా ఆర్ఎక్స్ 100 సినిమా లాగానే పూర్తిస్దాయి విలేజ్ బ్యాక్ డ్రాప్ లో చేస్తున్న సినిమా అని తెలుస్తోంది. ఈ సినిమాకు అజయ్ భూపతి దర్శకత్వం మాత్రమే కాకుండా నిర్మాత కూడా ఉంటారని వార్తలు వస్తున్నాయి
ఇక అసలైన ట్విస్ట్ ఇక్కడే వుంది. ఈ చిత్రానికి మంగళవారం అనే టైటిల్‌ కూడా ఫిక్స్‌ చేశాడని, అధికారిక ప్రకటన ఒకటే తరువాయి అని పరిశ్రమ లో గుస గుసలు వినిపిస్తున్నాయి. అసలే మంగళవారం అంటే చాలా మంది చేయలేని పనికి ఈ వారం పేరు చెబుతారు. అలాగే ఆంధ్ర ప్రదేశ్ రాష్ట్రములో ఈ “మంగళవారం” అనేది పొలిటికల్ సర్కిల్లో పెద్ద హాట్ టాపిక్ అన్న సంగతి అందరికీ తెలిసిందే. దీనితో ఈ పేరు మీద రాబోయే రోజుల్లో పెద్ద దుమారం రేగే అవకాశం ఉంది.
