ప్రస్తుతం స్టార్ హీరోయిన్ సమంత టైటిల్ పాత్రలో నటించిన సినిమా యశోద.. ఇందులో కోలీవుడ్ నటి వరలక్ష్మి శరత్ కుమార్ కూడా కీలకపాత్ర పోషించారు. శ్రీదేవి మూవీస్ పతాకంపై నిర్మాత శివలెంక కృష్ణ ప్రసాద్ నిర్మాణ సారధ్యంలో హరి హరీష్ దర్శకత్వం వహించారు. ఇప్పటికే యశోద నుంచి విడుదలైన థియేట్రికల్ ట్రైలర్ మంచి స్పందన పొందుతోంది. ఈ సినిమా పాన్ ఇండియా స్థాయిలో నవంబర్ 11వ తేదీన ప్రపంచవ్యాప్తంగా తెలుగు , తమిళ , కన్నడ , మలయాళం, హిందీ భాషల్లో విడుదల చేస్తున్నారు.
ఇందులో ఆశ్చర్యకరమైన విషయం ఏమిటంటే . డూప్ లేకుండా సమంత యాక్షన్ సన్నివేశాలు చేశారు. సమంత నటించిన ది ఫ్యామిలీ మెన్ వెబ్ సిరీస్ కి యాక్షన్ కొరియోగ్రఫీ చేసిన హాలీవుడ్ యాక్షన్ కొరియోగ్రాఫర్ యానిక్ బెన్.. యశోద సినిమాకి కూడా పనిచేశారు. సమంత చేసిన యాక్షన్ సీన్స్ మేకింగ్ వీడియోను మంగళవారం మేకర్స్ విడుదల చేయగా.. ఈ సందర్భంగా ఆయన మాట్లాడుతూ.. ఆమెపై ప్రశంసల వర్షం కురిపించారు.
యానిక్ బెన్ మాట్లాడుతూ.. నేనెప్పుడూ యాక్టర్ సేఫ్ గా ఉండేలా చూసుకుంటాను . వాళ్లకు యాక్షన్ కొరియోగ్రఫీ ఫర్ఫెక్ట్ గా తెలియాలి. అందుకని ముందుగా స్టంట్ పెర్ఫార్మర్లతో ఫైట్ కంపోజిషన్ చూపిస్తాం.. నటీనటులకు ట్రైనింగ్ ఇస్తాం .. అందువల్ల వాళ్లకు టైమింగ్ తెలుస్తుంది.. ఆ తర్వాత ఫైట్ తీస్తాం. సమంత చాలా డెడికేటెడ్ గా షూటింగ్ చేస్తారు. ప్రతిసారి తన బెస్ట్ ఇవ్వడానికి ప్రయత్నిస్తారు . యాక్షన్ డైరెక్టర్స్ కోరుకునేది అదే కదా.. ఆమెతో షూటింగ్ చేయడం చాలా బాగుంటుంది. యాక్షన్ ఎప్పుడూ రియలిస్టిక్ గా ఉండడం నాకు ఇష్టం. యశోదలో స్టంట్ సీన్స్ కూడా రియలిస్టిక్ గా ఉంటాయి. కిక్ బాక్సింగ్, జూడో, మిక్స్డ్ మార్షల్ ఆర్ట్స్ అన్నీ కూడా యశోద యాక్షన్ సీన్స్ లో చూడవచ్చు. సమంత కచ్చితంగా ది బెస్ట్ ఇస్తుంది అంటూ ప్రశంసల వర్షం కురిపించాడు.
