సర్దార్ వల్లభాయ్ పటేల్‌కు ప్రధాని మోడీ ఘన నివాళ్లు అర్పించారు. గుజరాత్ కేవడియాలోని ఐక్యతా విగ్రహం వద్ద నీటిని ధారపోశారు. అంతకుముందు పరేడ్‌లో పాల్గొన్నారు. ‘భారతరత్న సర్దార్ వల్లభాయ్ పటేల్‌కు నివాళి. ఈ దేశ పటిష్టత, ఐక్యత కోసం ఆయన జీవితం అర్పించారు. ఆయన వ్యక్తిత్వం మన జాతికి ప్రేరణనిస్తూ ఉంటుంది’ అని ట్వీట్ చేశారు.
నేడు పటేల్ 150 పుట్టిన రోజు సందర్భంగా ఆయన జయంతిని కేంద్రం ఐక్యతా దివస్‌గా నిర్వహించడం తెలిసిందే. ఇదిలాఉండగా, దీపావళి పండుగ నేపథ్యంలో ప్రధాని మోడీ అయోధ్య బాలరాముడికి ప్రత్యేక పూజలు నిర్వహిస్తారని తెలుస్తోంది. నిన్న రాత్రి అయోధ్యలో దీపావళివేడుకలు అట్టహాసంగా ప్రారంభమయ్యాయి. యూపీ సీఎం జ్యోతి వెలిగించి వేడుకలను అధికారికంగా ప్రారంభించారు.
