తెలంగాణ రాష్ట్రంలో దారుణం చోటు చేసుకుంది. మతి స్థిమితం లేని మైనర్ బాలికపై సర్పంచ్ అత్యాచారయత్నంకు పాల్పడ్డాడు. వికారాబాద్ జిల్లా బషీరాబాద్ మండలం నంద్యానాయక్ తండాలో ఈ దారుణమైన సంఘటన చోటు చేసుకుంది. తాండ సర్పంచ్ శంకర్ ఇంటికి టీవీ చూడడానికి మైనర్ బాలిక..ఎప్పటి లాగే వెళ్లింది.
అయితే.. నిన్న సర్పంచ్ ఇంటికి వెళ్లిన బాలిక తిరిగి రాకపోవడంతో సర్పంచ్ ఇంటికి వెళ్లారు బాలిక కుటుంబ సభ్యులు. ఇక ఈ నేపథ్యంలోనే.. ఇంటి మెడపై బాలిక పై అత్యాచారయత్నం చేస్తుండగా గ్రహించారు బాలిక కుటుంబ సభ్యులు. దీంతో ఆగ్రహానికి గురైన బాలిక కుటుంబ సభ్యులు…సర్పంచ్ కు దేహశుద్ధి చేశారు. ప్రస్తుతం పరారీలో నిందితుడు సర్పంచ్ ఉన్నాడు. దీనిపై ఇంకా వివరాలు తెలియాల్సి ఉంది.
