బాలీవుడ్ బాద్షా షారూఖ్ ఖాన్ ప్రధాన పాత్రలో , దీపికా పదుకునే హీరోయిన్ గా నటించిన పఠాన్ చిత్రం నిన్న దేశవ్యాప్తంగా రిలీజ్ అయిన సంగతి తెలిసిందే. ఈ సినిమా కోసం దాదాపు మూడు ఏళ్ల పాటు షారుక్ ఖాన్ చాలా కష్ట పడ్డాడు. తన గత సినిమా జీరో తో నిజంగానే జీరో స్థాయికి పడి పోయాడు. ఒకప్పుడు బాలీవుడ్ లో షారుక్ ఖాన్ సినిమా వస్తుంది అంటే ఆ సందడి వేరే లాగా ఉండేది.
ఇక నిన్న రిలీజ్ అయిన ఈ సినిమా రికార్డ్ వసూళ్ళు తో ముందుకు దూసుకు పోతుంది. అసలు ఈ సినిమా పై ముందు బాయ్ కాట్ చేయాలని గోల గోల చేశారు. కాని వాటిని ఎప్పటికప్పుడు ఎదుర్కొంటూ నిన్న రిలీజ్ అయ్యి ప్రేక్షకుల ముందుకు వచ్చి అందరినీ ఆకట్టుకుంటోంది. ఇప్పుడు ఈ సినిమా రికార్డ్ వసూళ్ల దుమ్ము దులుపుతోంది అని ట్రేడ్ వర్గాలు రికార్డ్స్ చెబుతున్నాయి.
ఈ సినిమా మొదటి రోజు వసూళ్ళు బయటకి వచ్చాయి. మొదటి రోజు వసూళ్ళు `కేజీఎఫ్ 2`ని క్రాస్ చేసినట్టుగా తెలుస్తోంది. యష్ నటించిన ఈ మూవీ హిందీ వెర్షన్ తొలి రోజు 54 కోట్లకు మించి వసూళ్లని రాబట్టి టాప్ డే వన్ గ్రాసర్ గా నిలిచింది. అప్పటి నుంచి ఆ రికార్డును ఏ హిందీ సినిమా కొట్టలేకపోయింది. తాజాగా షారుక్ నటించిన `పఠాన్` ఫస్ట్ డే కు అంతకంటే ఎక్కువగా 55 కోట్లు వసూళ్లు రాబట్టింది. ఇక వరల్డ్ వైడ్ గా 100 కోట్లు వసూళ్లు సాధించి రికార్డ్ సృష్టించింది ఇది షారుఖ్ ఖాన్ తో పాటు, బాలీవుడ్ కు పూర్వ వైభవం వచ్చేలా చేసింది.
