పాపుల‌ర్ ఓటీటీ ప్లాట్‌ ఫామ్ నెట్‌ఫ్లిక్స్ కోసం క్రేజీ జోడీ క‌ల‌సి ప‌నిచేయ‌బోతున్నారా? అంటే అవునే స‌మాధానం వినిపిస్తోంది. క‌రోనా వైరస్ ప్ర‌బ‌లిన త‌రువాత ఓటీటీ బిజినెస్ ఊపందుకున్న నేప‌థ్యంలో రానా, శృతిహాస‌న్ క‌లిసి నెట్ ఫ్లిక్స్ కోసం ఓ క్రేజీ వెబ్ సిరీస్ కోసం ప‌నిచేయ‌బోతున్నార‌ని తెలిసింది. భిన్న‌మైన కుటుంబ నేప‌థ్యాల నుంచి వ‌చ్చిన ఈ ఇద్ద‌రు వైవిద్యం కోసం కొత్త ప్ర‌య‌త్నాలు చేస్తూనే వున్నారు.
అందులో భాగంగా నెట్‌ఫ్లిక్స్ కోసం ఓ థ్రిల్ల‌ర్ సిరీస్‌లో న‌టించ‌డానికి అంగీక‌రించిన‌ట్టు తెలిసింది. ఒక ప్ర‌ముఖ తెలుగు ర‌చ‌యిత ఈ వెబ్ సిరీస్‌కి క‌థ‌ని అందిస్తున్నారు. తెలుగులో రూపొంద‌నున్న ఈ వెబ్ థ్రిల్ల‌ర్‌ని మొత్తం ప‌ది భాష‌ల్లో రిలీజ్ చేయ‌బోతున్నారు. ఇది మొత్తం ప‌ది ఎపిసోడ్‌లు వుంటుంద‌ట. రోమాంచితంగా ఓళ్లు గ‌గుర్పొడిచే స‌న్నివేశాల‌తో సాగుతుంద‌ని దీనికి సంబంధించిన ద‌ర్శ‌కుడు, న‌టీన‌టులు, సాంకేతిక నిపుణుల వివ‌రాలు త్వ‌ర‌లోనే బ‌య‌టికి రానున్న‌ట్టు తెలిసింది.
