మాజీ అధ్యక్షుడు జాకబ్ జుమా గత వారం జైలు శిక్ష కారణంగా సౌత్ ఆఫ్రికా లో హింస మరియు అల్లర్లు జరుగుతున్న సంగతి తెలిసిందే. ఈ హింస కారణంగా 72 మంది మరణించారు మరియు 1,234 మందిని అరెస్టు చేశారు.
ఇది ఇలా ఉంటే ఈ గందరగోళం మధ్య, ఒక తల్లి తన రెండు సంవత్సరాల బిడ్డని కాలిపోతున్న ఇంటి నుండి రక్షించింది. ఈ వీడియో సోషల్ మీడియాలో తెగ వైరల్ అయ్యింది.
Captured one those images that will forever live in my heart. Amongst the chaos there were heroes today, they caught her and she is fine. @nomsa_maseko pic.twitter.com/YX8KTap8ct
— Thuthuka Zondi (@ThuthukaZ) July 13, 2021
ఇక దీని కోసం పూర్తిగా చూస్తే.. డర్బన్‌లోని బిల్డింగ్ కాలిపోతున్న సమయంలో నలేది మన్యోని తన బిడ్డను రక్షించుకోవాలని బిడ్డని కిందకి విసిరేయడం ఈ వీడియోలో ఉంది. అది అంతా కూడా మంటలు, పొగ చుట్టుముట్టడంతో తల్లి ఆ చిన్నారిని మొదటి అంతస్తు నుండి కిందనున్న జనం వైపుకి విసిరేసింది.
పొగతో ఆ ప్రదేశం అంత నిండి వుంది. నాకు చాలా భయం వేసింది. ప్రజలు బిడ్డని విసిరేయండి అని అరుస్తూ ఉన్నారు. నేను ఆ సమయంలో చాల భయపడ్డాను అని ఆమె అంది. అయితే ఆ సమయంలో బిడ్డని విసిరేసాను. ఆమెకి ఏ గాయాలు అవ్వలేదు తరవాత నేను నా బిడ్డని కలుసుకున్నాను అని ఆమె అంది.
దక్షిణాఫ్రికాలోని క్వాజులు-నాటాల్ మరియు గౌటెంగ్ ప్రావిన్సులలో ఘోరంగా దాడులు జరిగాయి. దొంగతనాలు కూడా జరిగాయి. కిరాణా, దుస్తులు మరియు మద్యం దుకాణాలలో ఎక్కువగా దొంగతనాలు జరిగాయి. కోర్టు మద్దతుతో జుమాకు 15 నెలల జైలు శిక్ష విధించిన తరువాత ఈ అల్లర్లు చోటు చేసుకున్నాయి.
