ఐసీసీ పురుషుల ప్రపంచ కప్ 2023 ట్రోఫీ వరల్డ్ టూర్కు సిద్ధమైంది. ఎవరూ ఊహించని రీతిలో ఈ వరల్డ్ కప్ ట్రోఫీని ఆవిష్కరించి అందర్నీ ఆశ్చర్యపరిచారు నిర్వాహకులు. ఇంతకీ ఎలా ఆవిష్కరించారంటే..?
భూమికి లక్షా 20 వేల అడుగుల ఎత్తులో స్ట్రాటోస్పియర్లో(స్పేస్లో) ఈ ట్రోఫీని ప్రవేశపెట్టడం విశేషం. ఆ తర్వాత ట్రోఫీని నేరుగా అహ్మదాబాద్ నరేంద్ర మోదీ స్టేడియంలో ల్యాండ్ చేశారు. ఈ ప్రపంచ కప్ ట్రోఫీ జూన్ 27 నుంచి 100 రోజుల పాటు 18 దేశాల్లో ప్రపంచ యాత్రకు బయలుదేరనుంది. ఈ సందర్భంగా ట్రోఫీని స్పేస్లో లాంఛ్ చేయడానికి సిద్ధం చేసినప్పటి నుంచి నరేంద్ర మోదీ స్టేడియంలో ల్యాండ్ అయ్యే వరకూ మూడు నిమిషాల వీడియోను ఐసీసీ తమ ట్విటర్ ఖాతాలో పోస్టు చేసింది.
ఈ ప్రపంచ కప్ ట్రోఫీని స్ట్రాటోస్పియరిక్ బెలూన్కు కట్టి అంతరిక్షంలోకి తీసుకెళ్లారు. భూమికి లక్షా 20 వేల అడుగుల ఎత్తులో ఉంచారు. ట్రోఫీ అంతరిక్షంలో ఉన్న ఫొటోలు, వీడియోలను 4కే కెమెరాలతో షూట్ చేశారు.
An out-of-this-world moment for the cricketing world as the #CWC23 trophy unveiled in space. Marks a milestone of being one of the first official sporting trophies to be sent to space. Indeed a galactic start for the ICC Men's Cricket World Cup Trophy Tour in India. @BCCI @ICC… pic.twitter.com/wNZU6ByRI5
— Jay Shah (@JayShah) June 26, 2023
