బంగ్లాదేశ్ గడ్డపై అడుగుపెట్టింది రోహిత్ సేన. న్యూజిలాండ్ తో వన్డే సిరీస్ కోల్పోయిన టీమ్ ఇండియా, ఇప్పుడు బంగ్లాదేశ్ తో పోరుకు సిద్ధమైంది. బంగ్లాదేశ్ పర్యటనలో భాగంగా భారత్ మూడు వన్డేలు, రెండు టెస్టులు ఆడనుంది.
డిసెంబర్ 4న డాకా వేదికగా జరగనున్న తొలి వన్డే తో టీమ్ ఇండియా టూర్ ప్రారంభం కానుంది. ఈ నేపథ్యంలో రోహిత్ సారథ్యంలోని భారత జట్టు గురువారం బంగ్లాదేశ్ గడ్డపై అడుగు పెట్టింది. బంగ్లాదేశ్ కు చేరుకున్న భారత ఆటకాలకు ఘన స్వాగతం లభించింది.
ఇక న్యూజిలాండ్ తో వన్డే సిరీస్ లో భాగంగా ఉన్న శిఖర్ ధావన్, వాషింగ్టన్ సుందర్, దీపక్ చహర్ శుక్రవారం భారత జట్టులో చేరనున్నారు. కాగా శుక్రవారం డాకా వేదికగా భారత జట్టు తమ తొలి ప్రాక్టీస్ సెషన్ లో పాల్గొననుంది.
