టీమ్ఇండియా స్టార్ క్రికెటర్ విరాట్ కోహ్లీ మరో అరుదైన ఘనత సొంతం చేసుకున్నాడు. ప్రస్తుతం ఇంగ్లాండ్ సిరీస్కు దూరంగా ఉన్న కోహ్లి ఇటీవలే మరోసారి తండ్రయిన విషయం తెలిసిందే. కోహ్లి సతీమణి అనుష్క ‘అకాయ్’ అనే పండంటి బాబుకు జన్మనిచ్చిన విషయం ఈ జంట ఇన్స్టాగ్రామ్ వేదికగా తమ అభిమానులతో షేర్ చేసుకుంది. అయితే కుమారుడు పుట్టిన ఆనందంలో ఉన్న విరాట్.. తాజాగా సోషల్ మీడియాలో ఓ అరుదైన రికార్డు సృష్టించాడు. ఇన్‌స్టాగ్రామ్‌లో ఈ పోస్ట్తో పాటు తాను అప్లోడ్ చేసిన మరో ఆరు పోస్ట్‌లకు.. ప్రతి దానికి దాదాపు 10 మిలియన్లకు పైగా లైక్స్ అందుకున్నాడు. ఇలా ఇన్‌స్టాగ్రామ్‌లో 6 పోస్ట్‌లకు 10 మిలియన్లకు పైగా లైక్‌లు పొందిన తొలి భారతీయుడిగా కోహ్లీ హిస్టరీ క్రియేట్ చేశాడు.
అకాయ్ పుట్టిన ఆనందాన్ని విరాట్ తన ఫ్యాన్స్తో ఓ స్వీట్ పోస్ట్ ద్వారా పంచుకుంటూ.. ఆ చిన్నారి పేరును రివీల్ చేస్తూనే తనను ఆశీర్వదించమంటూ కోరాడు.’మేం ఫిబ్రవరి 15న మా బేబి బాయ్ అకాయ్ (వామికకు తమ్ముడు)ను ఈ ప్రపంచంలోకి స్వాగతించాం. మా జీవితంలో ఇవి మధురమైన క్షణాలు. మాకు మీ అందరి ఆశీర్వాదాలు కావాలి’ అని విరాట్ సోషల్ మీడియాలో పేర్కొన్నాడు. సెలబ్రిటీలు, ఫ్యాన్స్ సోషల్ మీడియాలో విరాట్ దంపతులకు శుభాకాంక్షలు తెలుపుతున్నారు.
