తమిళ నటుడు సూర్యకి తెలుగులో మంచి మార్కెట్ ఉండేదిఉ. కానీ కొంతకాలంగా సూర్య చేస్తున్న సినిమాలన్నీ ఫ్లాపుగా మారడంతో మార్కెట్ బాగానే తగ్గింది. ఐతే ప్రస్తుతం ఆకాశం నీ హద్దురా సినిమాతో ప్రేక్షకులని పలకరించబోతున్నాడు. అమెజాన్ ప్రైమ్ లో విడుదల అవుతున్న ఈ చిత్రానికి సుధ కొంగర దర్శకత్వం వహించారు. తెలుగమ్మాయి అయిన సుధ కొంగర గురించి సూర్య, చాలా ఆసక్తికరమైన విషయాలని పంచుకున్నాడు.
మణిరత్నం దర్శకత్వంలో యువ సినిమా చేస్తున్నప్పటి నుండి సుధ కొంగరతో పరిచయం ఉందని, ఆ సినిమా టైములో ఒకానొక సీన్ తీస్తున్నప్పుడు మణిరత్నం గారు షాట్ ఓకె చెప్పినప్పటికీ అసిస్టెంట్ గా చేస్తున్న సుధ కొంగర ఒప్పుకోలేదట. ఆ సీన్ లో సూర్య నటన సరిగ్గా రాలేదని, అందువల్ల మళ్ళీ ఆ సీన్ ని చేయించిందట. అసిస్టెంట్ గా ఉన్నప్పుడే నటీనటుల నుండి నటనని రాబట్టుకున్న సుధ కొంగర, తన సినిమాలతో మంచి గుర్తింపుని తెచ్చుకుంటుంది. సూర్య ఆకాశం నీ హద్దురా నవంబర్ 12వ తేదీ నుండి అమెజాన్ ప్రైమ్ లో అందుబాటులో ఉండనుంది.
