బాలీవుడ్ న‌టుడు సుశాంత్, న‌టి రియా చక్ర‌వ‌ర్తిలు ఎప్ప‌టి నుంచో స‌హ‌జీవ‌నం చేస్తున్న సంగ‌తి తెలిసిందే. అయితే సుశాంత్ చ‌నిపోవ‌డంతో అందుకు కార‌ణం రియానే అని చాలా మంది ఆరోపిస్తున్నారు. అలాగే మరో వైపు సీబీఐ, ఈడీ, ఎన్‌సీబీలు ఈ కేసును ముమ్మ‌రంగా ద‌ర్యాప్తు చేస్తున్నాయి. ఈ క్ర‌మంలోనే సుశాంత్, రియాల‌కు చెందిన ఓ అన్‌సీన్ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.
సోష‌ల్ మీడియాలో వైరల్ అవుతున్న ఓ వీడియోలో సుశాంత్ ప‌డుకుని బుక్ చ‌దువుతుండ‌గా, రియా అత‌ని వీడియోను చిత్రీక‌రించింది. వారు ఆ స‌మ‌యంలో లూడో గేమ్ గురించి మాట్లాడుకున్నారు. త‌రువాత సుశాంత్ హ్యాండ్‌స‌మ్‌గా ఉన్నాడ‌ని రియా కాంప్లిమెంట్స్ ఇచ్చింది. అనంత‌రం ఎవ‌రో వ్య‌క్తి ప‌క్క నుంచి మెడిసిన్స్ తీసుకున్నావా, లేదా అని అడిగాడు. కాగా ఈ వీడియోను ఓ మీడియా సంస్థ సేక‌రించ‌గా.. దీన్ని ప్ర‌స్తుతం సుశాంత్ ఫ్యాన్స్ వైరల్ చేస్తున్నారు.
I can't believe this that a intelligent, Sharp minded and a successful person like @itsSSR how did he get habbit of drugs addiction
But I know one thing a person who loves somebody can't support in taking drugs
So #RheaChakraborty is the real culprit#Justice#SushantUnseenVideo pic.twitter.com/1z6JzeXpyy— Aditya Ranjan (@AdityaR108) September 8, 2020
ఇక మ‌రోవైపు రియాను ఇప్ప‌టికే ఎన్‌సీబీ అదుపులోకి తీసుకుని మెజిస్ట్రేట్ ముందు హాజ‌రు ప‌ర‌చ‌గా.. న్యాయ‌మూర్తి ఆమెకు 14 రోజుల క‌స్ట‌డీ విధించారు. దీంతో ఆమెను ఎన్‌సీబీ జైలుకు త‌ర‌లించింది. ఈ క్ర‌మంలోనే ఆమె బాలీవుడ్‌లో 80 శాతం మంది న‌టులు డ్ర‌గ్స్ తీసుకుంటార‌ని ఎన్‌సీబీకి చెప్పిన‌ట్లు తెలిసింది. అయితే ఎన్‌సీబీ ఈ విష‌యంపై ఎలా వ్య‌వ‌హ‌రిస్తుందో చూడాలి.
