ప్రధాని నరేంద్ర మోదీని పొగడ్తలతో ముంచెత్తిన డీఎంకే ఎమ్మెల్యే కుకా సెల్వంపై సస్పెన్షన్ వేటు వేసింది పార్టీ అధిష్ఠానం. ఆయనను పార్టీలోని అన్ని బాధ్యతల నుంచి తొలగిస్తున్నట్లు తెలిపింది. ఈ మేరకు డీఎంకే అధ్యక్షుడు ఎంకే స్టాలిన్ అధికారిక ప్రకటన విడుదల చేశారు.
సెల్వం బీజేపీలో చేరుతారని జోరుగా ప్రచారం జరుగుతోంది. ఈ నేపథ్యంలోనే ఆయన ఢిల్లీలో మంగళవారం పర్యటించారు. బీజేపీ అధ్యక్షుడు జేపీ నడ్డాను కలిశారు. అనంతరం ప్రధాని నరేంద్ర మోదీపై ప్రశంసల వర్షం కురిపించారు. రామమందిరం నిర్మాణాన్ని సాధ్యమయ్యేలా చేశారని కొనియాడారు.అయితే తన నియోజకవర్గానికి ప్రాజెక్టులు మంజూరు చేయాలని రైల్వేమంత్రి పీయూష్ గోయల్ను కలిసేందుకే ఢిల్లీ వెళ్లానని వివరణ ఇచ్చారు సెల్వం.తౌసండ్ లైట్ల్ నియోజకవర్గానికి సెల్వం ప్రాతినిధ్యం వహిస్తున్నారు. సస్పెన్షన్కు ముందు వరకు డీఎంకే ప్రధాన కార్యాలయ కార్యదర్శిగా, కార్యనిర్వాహక సభ్యునిగా ఉన్నారు.
