కాంగ్రెస్, టీఆర్ఎస్ ఒక్కటే… ఆల్రెడీ పొత్తు కుదిరింది: బండి సంజయ్

బీజేపీ ప్రజల ఆశీర్వాదంతోనే తెలంగాణలో అధికారంలోకి రాబోతోందని తెలంగాణ బీజేపీ చీఫ్ బండి సంజయ్ అన్నారు. రాహుల్ గాంధీ ఎందుకు వచ్చిండో తెలియదని… ఏదో షికారుకు వచ్చినట్లు వచ్చాడని ఎద్దేవా చేశారు. అధికారంలోకి రాని వారు ఎన్నో హామీలు ఇస్తారని విమర్శించారు. గతంలో కేసీఆర్ ఇచ్చిన హామీలు ఇప్పుడు ఏం అయ్యాయని ప్రశ్నించారు. మోదీ సర్కార్ రైతుల సంక్షేమం కోసం ఎమ్మెస్పీని పెంచిందని బండి సంజయ్ అన్నారు. దేశం మొత్తం ధాన్యాన్ని బీజేపీ సర్కార్ కొంటుందని ఆయన అన్నారు. కాంగ్రెస్, టీఆర్ఎస్ పార్టీలు ఒక్కటే అని ఆల్రెడీ పొత్తు కుదిరిందని ఆరోపించారు. బీజేపీ లో గెలిచిన ఎమ్మెల్యేలు టీఆర్ఎస్ పార్టీలోకి వెళ్లలేదని… కాంగ్రెస్ పార్టీ  ఎమ్మెల్యేలే టీఆర్ఎస్ పార్టీ లోకి చేరారని గుర్తుచేశారు. రాహుల్ గాంధీ నోటి నుంచి ఒక్కసారి కేసీఆర్ అనే మాట వచ్చిందా..? అంటూ ప్రశ్నించారు. కాంగ్రెస్, టీఆర్ఎస్ పార్టీలు రెండూ బీజేపీతోని కొట్లాడుతుందని ఆయన అన్నారు. సీఎం కేసీఆర్ టూరిస్టులాగా దేశం మొత్తం తిరుగుతున్నాడని విమర్శించారు. కేసీఆర్ పిట్ట కథలు ఎవ్వరూ నమ్మే పరిస్థితి లేదని బండి సంజయ్ అన్నారు.