ఈ మధ్య కాలంలో గన్ మిస్ ఫైరింగ్ ఘటనలు చాలానే చోటు చేసుకుంటున్నాయి. ముఖ్యంగా హైదరాబాద్, వరంగల్ వంటి ప్రాంతాల్లో ఎక్కువగా చోటు చేసుకోవడం గమనార్హం. గన్ మిస్ ఫైరింగ్ వల్ల పోలీస్ కానిస్టేబుల్, ఎస్సై, ఓ డీఎస్పీ ఇలా చాలా మంది మరణించిన ఘటనలు చోటు చేసుకున్నాయి.
తాజాగా హైదరాబాద్ నార్సింగి బైరాగిగూడలో బుల్లెట్ కలకలం సృష్టించింది. ఈ బుల్లెట్ ప్రమాదంలో ఎవ్వరికీ ఏమి కాకపోవడంతో అందరూ ఊపిరి పీల్చుకున్నారు. బైరాగిగూడలోని ఓ అపార్టుమెంట్ లోని 5 అంతస్తులోని కిటికి అద్దాలు ధ్వంసం కావడంతో పాటు ఏకంగా బెడ్ రూమ్ లోకి బుల్లెట్ దూసుకొచ్చింది. దీంతో అపార్టుమెంట్ వాసులు పరుగులు తీశారు. ఆర్మీ ఫైరింగ్ రేంజ్ నుంచి బుల్లెట్ దూసుకొచ్చినట్టు సమాచారం. అక్కడి స్థానికులు భయంతో అక్కడి నుంచి పరుగులు తీశారు. ఆర్మీ ఫైరింగ్ రేంజ్ గన్ మిస్ ఫైర్ కావడంతో బుల్లెట్ దూసుకొచ్చినట్టు పోలీసుల విచారణలో తేలింది. దీంతో అంతా ఊపిరి పీల్చుకున్నారు.
