తెలంగాణలో తాజాగా మరో సంచలన ఘటన చోటు చేసుకుంది. బీఆర్ఎస్ పార్టీ సోషల్ మీడియా విభాగం ఇన్ చార్జీ కొణతం దిలీప్ ను అరెస్టు చేశారు పోలీసులు. తాజాగా హైదరాబాద్ సైబర్ క్రైమ్ పోలీసులు అరెస్ట్ చేసి పోలీస్ స్టేషన్ కి తరిలించినట్టు సమాచారం.
కొణతం దిలీప్ గత బీఆర్ఎస్ ప్రభుత్వంలో తెలంగాణ డిజిటల్ మీడియా డైరెక్టర్ గా కూడా పని చేసారు. రాష్ట్రంలో వర్షాల కారణంగా విపత్కర సమయాల్లో వరద బాధితులను ఆదుకోవాలని ప్రభుత్వాన్ని ప్రశ్నించినందుకు దిలీప్ ను అరెస్ట్ చేశారని బీఆర్ఎస్ నేతలు ఆరోపిస్తున్నారు. రాష్ట్రంలో కురిసిన భారీ వర్షాల వల్ల ఖమ్మం, మహబూబాబాద్, నల్లగొండ, సూర్యపేట, ములుగు తదితర జిల్లాలలో భారీ వరదలు సంభశించిన విషయం విధితమే. ఈ జిల్లాల్లో సీఎం రేవంత్ రెడ్డి కూడా పర్యటించారు.
