హైదరాబాద్ నగరంలో రెండు చోట్ల హాష్ ఆయిల్ ని స్వాధీనం చేసుకున్నారు పోలీసులు. రంగారెడ్డి జిల్లా రాజేంద్రనగర్ లో హాష్ ఆయిల్ ను పట్టుకున్నారు. బండ్లగూడలో 300 ఎం.ఎల్. హాష్ ఆయిల్ టీఎస్ఎన్ఏబీ అధికారులు సీజ్ చేశారు. ఓ కిలేడి లేడి.. గుట్టు చప్పుడు కాకుండా హాష్ ఆయిల్ విక్రయిస్తుందనే సమాచారం మేరకు బండ్లగూడలో రహీమ్ ఉన్నీసా ఇంట్లో అధికారులు సోదాలు నిర్వహించారు. చిన్న చిన్న బాటిల్స్ లో హాష్ ఆయిల్ ను గుర్తించారు పోలీసులు. విక్రయానికి రెడీగా ఉన్న హాష్ ఆయిల్ ను సీజ్ చేశారు.
ఆ లేడీ కిలాడిని కూడా అరెస్ట్ చేశారు పోలీసులు. NDPS యాక్ట్ కింద కేసు నమోదు చేసి పోలీసులు దర్యాప్తు చేస్తున్నారు. వారం రోజుల కిందట లేడి కిలాడి కొడుకు ను హాష్ ఆయిల్ విక్రయిస్తుండగా రెడ్ హ్యాండెడ్ గా పట్టుకున్నారు ఎస్వోటీ పోలీసులు. భారీగా హాష్ ఆయిల్ ను స్వాధీనం చేసుకొని అతన్ని జైలుకు తరలించారు. ఇవాళ అతని తల్లిని పట్టుకున్నారు. మరోవైపు బాలానగర్ పోలీస్ స్టేషన్ పరిధిలో సామ్రాట్ హోటల్ వద్ద హాష్ ఆయిల్ విక్రయిస్తున్నట్టు పోలీసులు గుర్తించారు. మూడు లీటర్ల హాష్ ఆయిల్ స్వాధీనం చేసుకొని.. ముగ్గురిని అదుపులోకి తీసుకున్నారు.
