ఉమ్మడి వరంగల్ జిల్లా చెన్నూరు (పాలకుర్తి )నియోజకవర్గం మాజీ ఎమ్మెల్యే.డా.నేమురుగొమ్ముల సుధాకర్ రావు మృతి చెందారు. సికింద్రాబాద్ యశోద హాస్పిటల్ లో కొన్ని రోజులుగా కిడ్నీ సంబంధిత వ్యాధితో చికిత్స పొందుతూ కన్నుమూశారు. ఉమ్మడి ఆంధ్రప్రదేశ్ మాజీ మంత్రి యతిరాజారావు పెద్ద కుమారుడు. డా.సుధాకర్ రావు 1999లో చెన్నూరు నియోజకవర్గం నుండి టిడిపి తరఫున శాసనసభ సభ్యులుగా ఎన్నికయ్యారు.
2004లో టిడిపి తరఫున పోటీ చేసిదుగ్యాల శ్రీనివాసరావు చేతిలో ఓటమి పాలయ్యారు. 2009లో టిడిపి తరఫున టికెట్ ఆశించినప్పటికీ నియోజకవర్గాలు పునర్విభజనలో భాగంగా పాలకుర్తి నియోజకవర్గంగా మారడంతో ఎర్రబెల్లి దయాకర్ రావు గారికి టిడిపి టికెట్ ఇచ్చారు.ఎర్రబెల్లి దయాకర్ రావు గెలుపు కోసం అహర్నిశలు కృషి చేశాడు. అప్పటివరకు టిడిపిలో ఉన్న సుధాకర్ రావు 2014 ఎన్నికల ముందు టిఆర్ఎస్ పార్టీలో చేరారు. 2014 శాసనసభ ఎన్నికలలో టిఆర్ఎస్ పార్టీ అభ్యర్థిగా పోటీ చేసి ఎర్రబెల్లి దయాకర్ రావు పైన ఓటమి చెందారు. ఇక సుధాకర్ రావు మృతి పట్ల కేసీఆర్ సంతాపం తెలిపారు.
