సునీల్ కనుగోలు బాగా కొనుగోలు చేశారని మంత్రి KTR సంచలన వ్యాఖ్యలు చేశారు. ఓ టీవీ ఇంటర్వ్యూలో కాంగ్రెస్ స్ట్రాటజిస్ట్ సునీల్ కనుగోలుపై మంత్రి కేటీఆర్ సెటైర్లు వేశారు. “కాంగ్రెస్ పుంజుకుందనడంలో నిజం లేదు. బిజెపి ఢమాల్ అని పడిపోవడంతో కొంత గాలి కాంగ్రెస్ వైపు మళ్ళింది. సునీల్ కనుగోలో, కొనుగోలో ఎవరో ఉన్నారుగా ఆయన కొన్ని యూట్యూబ్ ఛానళ్లను బాగా కొనుగోలు చేశారు. ఏదో జరిగిపోతుందని భ్రమ కలిగిస్తున్నారు.
3న చూడండి ఇదంతా బిల్డప్ అని తేలిపోతుంది” అని కేటీఆర్ అన్నారు. ఈసారి బీఆర్ఎస్ కు 88 స్థానాలకు పైగా వస్తాయని మంత్రి కేటీఆర్ విశ్వాసం వ్యక్తం చేశారు. తెలంగాణ రాష్ట్రంలో ఒకప్పుడు బిజెపి, ఇప్పుడు కాంగ్రెస్ పార్టీలు నెంబర్ 2 కోసమే పోటీ పడుతున్నాయని ఓ టీవీ ఛానల్ కాంక్లేవ్ లో పేర్కొన్నారు. నెంబర్ 1 స్థానం ఇప్పటికీ కేసీఆర్ వద్దే ఉందని నిన్న వచ్చిన సర్వే రిపోర్ట్ లో తేలిందన్నారు. అటు హైదరాబాద్ పరిధిలో టూరిస్ట్ ప్రాంతాలు తక్కువగా ఉన్నాయన్న మంత్రి….ఈసారి తనకు టూరిజం శాఖ ఇవ్వాలని కేసిఆర్ ను కోరుతానని వెల్లడించారు.
