ఆటోలో ప్రయాణించారు బీఆర్ఎస్ పార్టీ వర్కింగ్ ప్రెసిడెంట్ కేటీఆర్. ఆటో కార్మికుల మహా ధర్నాకి ఆటోలో ప్రయాణించి కేటీఆర్, బీఆర్ఎస్ పార్టీ సీనియర్ నాయకులు ఇందిరాపార్క్ చేరుకున్నారు. ఇక అటు హైదరాబాద్ లోని ఇందిరా పార్క్ దగ్గర జరిగే ఆటో కార్మికుల మహాధర్నాలో పాల్గొనేందుకు బయల్దేరారు తార్నాక ఆటో యూనియన్ నాయకులు. ఇవాళ ఉదయం నుంచే ఆటో కార్మికుల మహాధర్నా కొనసాగుతోంది.
గ్రేటర్ హైదరాబాద్ నగర వ్యాప్తంగా దాదాపు 2లక్షల మంది ఆటో నడుపుతూ జీవనం సాగిస్తున్నారు. మహాలక్ష్మీ స్కీమ్ కు ముందు యావరేజ్ గా రూ.1000 సంపాదన ఉంటే.. ఇప్పుడు రూ.500 కూడా సరిగ్గా రావడం లేదని ఆవేదన వ్యక్తం చేస్తున్నారు. ప్రభుత్వం ఏడాదికి రూ.12వేలు ఇస్తామని హామి ఇచ్చింది. కానీ అది అమలు చేయాలని డిమాండ్ చేస్తున్నారు. ఆటో, రవాణా రంగ కార్మికులకు సంక్షేమ బోర్డు ఏర్పాటు చేయాలన్నారు.
ఆటో కార్మికుల మహా ధర్నాకి ఆటోలో ప్రయాణించి ఇందిరాపార్క్‌కు చేరుకున్న బీఆర్ఎస్ వర్కింగ్ ప్రెసిడెంట్ కేటీఆర్ మరియు పార్టీ సీనియర్ నాయకులు. pic.twitter.com/jReh523mzU
— Mission Telangana (@MissionTG) November 5, 2024
