బాధ్యతయుతమైన హోదాలో ఉండి ఓ ఎస్సై దాష్టికానికి ఒడిగట్టిన అవమానవీయ ఘటన నాగర్ కర్నూల్ జిల్లా లింగాల మండలంలో చోటు చేసుకుంది. వివరాల్లోకి వెళ్లితే.. లింగాల ప్రాంతానికి చెందిన ముగ్గురు యువకులు స్థానికంగా ఉన్న పెట్రోల్ బంక్ సిబ్బందితో గొడవకు దిగారు. ఈ నేపథ్యంలో బంక్ సిబ్బంది పోలీసులకు సమాచారం అందించారు. దీంతో ఎస్సై జగన్ అక్కడికి చేరుకొని ఆ ముగ్గురు యువకులను అదుపులోకి తీసుకున్నాడు.
అనంతరం వారిని సిబ్బంది సహాయంతో పోలీస్ స్టేషన్ కి తరలించారు. దీంతో ఓ యువకుడు ఎస్సై ముందు తల దువ్వుకున్నాడు. అయితే తమ ముందు తల దువ్వుకున్నాడని ఆగ్రహంతో రగిలి పోయి ఎస్సై ఆ ముగ్గురు యువకులకు శిరోముండనం చేయించాడు. ఈ క్రమంలోనే ఓ యువకుడు ఆ అవమానాన్ని తట్టుకోలేక ఆత్మహత్యాయత్నానికి పాల్పడ్డాడు. ఇది గమనించిన స్థానికులు అతన్నీ నాగర్ కర్నూల్ ప్రభుత్వ ఆసుపత్రికి తరలించారు. ప్రస్తుతం అతని పరిస్థితి విషమంగా ఉన్నట్టు తెలుస్తోంది. యువకుల పట్ల ఇలా ప్రవర్తించిన ఎస్సై ని ఉన్నతాధికారులు మందలించినట్టు సమాచారం.
