సచివాలయంలో అంగన్వాడి టీచర్లు, హెల్పర్లతో మంత్రి సీతక్క భేటీ అయ్యారు. అమ్మలాగా చిన్నారుల భవిష్యత్తును తీర్చి దిద్దుతున్న అంగన్వాడి టీచర్లకు ధన్యవాదాలు తెలిపారు. మీ అభిప్రాయాలను తెలుసుకున్న తర్వాతే చీరలు ఇవ్వాలని నిర్ణయించాం . మంచి నాణ్యమైన చీరలు ఇవ్వాలని సీఎం రేవంత్ రెడ్డి ఆదేశించారు. ఆర్థిక సమస్యలతో కొన్ని ఇబ్బందులు ఎదురవుతున్నాయి. అయినప్పటికీ అంగన్వాడి సమస్యలన్నిటికీ పరిష్కారం చూపిస్తాం. రిటర్మెంట్ బెనిఫిట్స్ సాంకేతిక సమస్యలు ఆలస్యం అవుతుంది. ఈరోజు ఆర్దిక మంత్రి భట్టి విక్రమార్కతో చర్చించాం. రిటైర్మెంట్ బెనిఫిట్స్ పట్ల ప్రభుత్వం సానుకూలంగా ఉంది. రిటైర్మెంట్ బెనిఫిట్స్ పది రోజుల్లో జీవో వస్తుంది.
అంగన్వాడి సమస్యలను ప్రయారిటీ గా పరిష్కరిస్తున్నాం. అద్దె భవనాల్లో కొనసాగుతున్న అంగన్వాడి కేంద్రాలకు భవనాలు నిర్మిస్తాం. అంగన్వాడి కేంద్రాలకు ఉచిత విద్యుత్ అందిస్తాం. మహిళలు స్వేచ్ఛగా పనులకు వెళ్లిందుకే క్రష్ లు సహాయపడతాయి. క్రష్ లతో మహిళలకు ఉపాధి అవకాశాలు పెరుగుతాయి. క్రష్ లతో అంగన్వాడి సిబ్బందికి ఇబ్బందులు లేవు. అంగన్వాడీలకు అనుబంధంగా క్రష్ లను కొనసాగిస్తాం . అంగన్వాడి సిబ్బంది అంతా చిత్తశుద్ధితో పనిచేయండి అని సూచించారు. ఇక మంత్రి హామీతో క్రష్ లను స్వాగతిస్తున్నామని చెప్పారు అంగన్వాడీ టీచర్లు.
