తెలంగాణ రాష్ట్రంలో ఈసారి అసెంబ్లీ ఎన్నికల్లో ఎలాగైనా అధికారంలోకి రావాలని ముమ్మరంగా ప్రచారం చేస్తుంది కాంగ్రెస్. కాంగ్రెస్ పార్టీకి పూర్వ వైభవం తీసుకొచ్చేందుకు ఆ పార్టీ వ్యూహాలకు పదును పెడుతోంది. వచ్చే శాసనసభ ఎన్నికల్లో 14 స్థానాల్లో గెలుపే లక్ష్యం ముందుకు సాగుతోంది. ఆ వ్యూహాల్లో భాగంగా ఇవాళ, రేపు ఉమ్మడి పాలమూరు జిల్లాలో నాలుగు నియోజకవర్గాల్లో ప్రియాంకగాంధీ, రాహుల్ గాంధీ పర్యటించనున్నారు.
తాజాగా ప్రియాంక గాంధీ తెలంగాణ పర్యటన రద్దు అయింది. అనారోగ్య కారణాల దృష్ట్యా ప్రియాంక పర్యటన రద్దయినట్టు ఆ పార్టీ తెలిపాయి. ప్రియాంక బదులు ఆ సభల్లో రాహుల్ గాంధీ పాల్గొననున్నారు. ఒకరోజు ముందే తెలంగాణ పర్యటనకు వస్తున్నారు రాహుల్ గాంధీ. ఇవాళ, రేపు ఉమ్మడి పాలమూరు జిల్లాలో పర్యటించనున్నారు రాహుల్ గాంధీ. ఈ సభల్లో 6 గ్యారెంటీలను జనంలోకి తీసుకువెళ్లడతో పాటు కేసీఆర్ ప్రభుత్వం వైఫల్యాలను ఎండగట్టడమే లక్ష్యంగా పర్యటనకు శ్రీకారం చుట్టారు. మాజీ మంత్రి జూపల్లి కాంగ్రెస్ లో చేరిక సందర్భంగా గతంలో రెండుసార్లు సభలు ఏర్పాటు చేసినా.. అవి వాయిదా పడ్డాయి. కాంగ్రెస్ అభ్యర్థులను ఖరారు చేయడంతో కొల్లాపూర్ లో జరిగే భారీ బహిరంగ సభకు ప్రియాంక గాంధీకి బదులుగా రాహుల్ గాంధీ హాజరుకానున్నారు.
