Rangareddy District Unidentified persons vandalized the idol of Goddess Durga : తెలంగాణ రాష్ట్రంలో దారుణం చోటుచేసుకుంది. గుప్తనిధుల కోసం ఏకంగా దుర్గామాత విగ్రహాన్ని ధ్వంసం చేశారు కొంతమంది దుర్మార్గులు. ఈ సంఘటన ఆలస్యంగా వెలుగులోకి వచ్చింది. ఈ సంఘటన వివరాల్లోకి.. రంగారెడ్డి జిల్లా మహిళాదేవుపల్లి పోలీస్ స్టేషన్ పరిధిలో… పులిగుట్ట వద్ద దుర్గ మాత విగ్రహం ఉంది. ఈ దేవాలయం చాలా ప్రాచీనమైనది.
అయితే దుర్గ మాత విగ్రహాన్ని కొంతమంది దుర్మార్గులు ధ్వంసం చేయడం జరిగింది. ఆ దుర్గ మాత దేవాలయం సమీపంలో తవ్వకాలు కూడా జరిపినట్లు పోలీసులు గుర్తించారు. దాని బట్టి చూస్తుంటే గుప్త నిధుల కోసం… కొంతమంది గుర్తు తెలియని వ్యక్తులు ఈ పని చేసి ఉంటారని చెబుతున్నారు. ఇక ఈ విషయంపై పోలీసులకు స్థానిక భక్తులు సమాచారం ఇవ్వడం జరిగింది. దీంతో రంగంలోకి దిగిన పోలీసులు కేసు బుక్ చేసుకుని దర్యాప్తు ప్రారంభించారు.
