తెలంగాణ రాష్ట్రంలో ఉన్న రేషన్ కార్డు దారులకు అదిరిపోయే శుభవార్త అందింది. బోగస్ రేషన్ కార్డుల ఏరివేతకు తెలంగాణ ప్రభుత్వం చేపట్టిన ఈ-కేవైసీ ప్రక్రియకు గడువు సమీపిస్తోంది. ఈ నెల 31 వరకు కేవైసీ చేసుకునేందుకు అవకాశం ఉంది. రేషన్ కార్డులో పేరు ఉన్నవారు దగ్గర్లోని ఏదైనా రేషన్ దుకాణానికి వెళ్లి ఆధార్ నంబర్ చెప్పి, వేలిముద్రలు ఇవ్వాల్సి ఉంటుంది.
జనవరి 31 లోగా కేవైసీ పూర్తి చేసుకొని వారికి రేషన్ కట్ అవుతుందని ఇప్పటికే అధికారులు స్పష్టం చేశారు. ఈ తరుణంలోనే..తెలంగాణ రాష్ట్రంలో ఉన్న రేషన్ కార్డు దారులకు అదిరిపోయే శుభవార్త అందింది. తెలంగాణలో రేషన్ కార్డుల ఈ-కేవైసీ గడువు పొడగించింది సర్కార్‌.
రేషన్ కార్డుల ఈ-కేవైసీ గడువు ఫిబ్రవరి చివరి వరకు పొడిగించింది ప్రభుత్వం. ఈ మేరకు అధికారిక ప్రకటన చేసింది కాంగ్రెస్‌ సర్కార్‌. ఇక అటు గ్రామపంచాయతీలపై ప్రత్యేక దృష్టి సారించిన తెలంగాణ రాష్ట్ర ప్రభుత్వం… గ్రామపంచాయతీలకు ప్రత్యేక అధికారులను నియమించేందుకు సిద్ధమవుతోంది.
