హైదరాబాద్లో ట్రాఫిక్ రద్దీ గురించి కొత్తగా చెప్పనక్కర్లేదు. ఉదయం గంట ముందే ఇంటి నుంచి బయల్దేరినా.. ఈ ట్రాఫిక్ వల్ల గమ్యస్థానాలకు కాస్త ఆలస్యంగానే చేరతాం. ఇక ఈ రద్దీలో రోడ్డు దాటే పాదచారుల భయం గురించి ఊహించలేం. ఎటువైపు నుంచి ఏ వాహనం వచ్చి గుద్ది వెళ్లిపోతుందేమోనని భయంభయంగా రోడ్డు దాటుతుంటారు పాదచారులు. ఈ క్రమంలోనే ఇప్పటి వరకు నగరంలో పలు చోట్ల ప్రమాదాలు కూడా జరిగాయి. దీన్ని నివారించేందుకే రాష్ట్ర సర్కార్ నగరంలో పలు చోట్ల పాదచారుల కోసం స్కైవాక్ ఏర్పాటు చేసింది. ఇందులో భాగంగా హైదరాబాద్లోని ఉప్పల్ జంక్షన్లో ఏర్పాటు చేసిన స్కైవాక్ టవర్‌ను మంత్రి కేటీఆర్ ఇవాళ ప్రారంభించారు.
ఉప్పల్ స్కై వాక్ ప్రత్యేకతలు..
- 660 మీటర్ల మేర ఉప్పల్ స్కైవాక్ నిర్మాణం
- స్కైవాక్ నిర్మాణానికి రూ.25 కోట్లు ఖర్చు పెట్టిన హెచ్‌ఎండీఏ
- ఉప్పల్, సికింద్రాబాద్ రహదారులు, మెట్రోస్టేషన్‌తో స్కైవాక్ అనుసంధానం
- ఎల్బీనగర్, రామంతాపూర్ రహదారులు, మెట్రోస్టేషన్‌తో స్కైవాక్ అనుసంధానం
- ఎక్కడా రోడ్డు దాటే అవసరం లేకుండా స్కైవాక్ నిర్మాణం
- వృద్ధులు, మహిళలు, గర్భిణులు స్కైవాక్ చేరుకునేందుకు ఎస్కలేటర్లు, లిఫ్టుల సౌకర్యం
- స్కైవాక్ మొత్తం పొడవు 640 మీటర్లు, వెడల్పు 4 మీటర్లు
- 8 లిఫ్టులు, 6 మెట్ల మార్గాలు, 12 ఎస్కలేటర్లు, 4 ప్రవేశ, నిష్క్రమణ మార్గాలు
